Ritika Singh; விஜய் ஆண்டனிக்கு ஜோடியாகும் ரித்திகா சிங்! விஜய் ஆண்டனிக்கு ஜோடியாக நடிக்க இருப்பதாக கிக் பாக்சிங் நடிகை ரித்திகா சிங் தெரிவித்துள்ளார்.
விஜய் ஆண்டனிக்கு ஜோடியாக நடிகை ரித்திகா சிங் நடிக்க இருக்கிறார்.
பெண் இயக்குநர் சுதா கொங்கரா இயக்கத்தில் மாதவன் நடித்த இறுதிச்சுற்று படத்தின் மூலம் தமிழ் சினிமாவில் ஹீரோயினாக அறிமுகமானவர் நடிகை ரித்திகா சிங்.
கிக் பாக்சிங் வீராங்கனையான ரித்திகா சிங் இறுதிச்சுற்று படத்தில் அதே போன்று ஒரு கதாபாத்திரத்தில் நடித்திருந்தார். இந்தப் படத்திற்காக அவருக்கு தேசிய விருதும் வழங்கப்பட்டது.
அண்மையில், ரித்திகா சிங் நடிப்பில் திரைக்கு வந்த ஓ மை கடவுளே படம் விமர்சன ரீதியாக நல்ல வரவேற்பு பெற்றது. தமிழ் மட்டுமல்லாமல், தெலுங்கு மற்றும் ஹிந்தி படங்களிலும் ரித்திகா சிங் நடித்து வருகிறார்.
அருண் விஜய் நடிப்பில் உருவாகி வரும் பாக்சர், அரவிந்த் சாமியின் வணங்காமுடி ஆகிய படங்களில் அவர் நடித்து வருகிறார்.
இந்தப் படங்களைத் தொடர்ந்து விஜய் ஆண்டனி நடிக்கும் புதிய படத்தில் அவருக்கு ஜோடியாக ரித்திகா சிங் நடிக்க இருப்பதாக தெரிவித்துள்ளார்.
இந்தப் படத்தை இயக்குநர் பாலாஜி குமார் இயக்குகிறார். இன்பினிட்டி பிலிம்ஸ் நிறுவனம் மற்றும் லோட்டஸ் பிக்சர்ஸ் நிறுவனம் இணைந்து இந்தப் படத்தை தயாரிக்க இருக்கிறது என்பது குறிப்பிடத்தக்கது.
