Tamil Actor and Actress School Photos; ஞாபகம் வருதே…ஞாபகம் வருதே! வைரலாகும் நடிகர்களின் பள்ளிக்கூட புகைப்படங்கள்! நடிகர்கள், நடிகைகளின் பள்ளிக்கூட புகைப்படங்கள் சமூக வலைதளங்களில் வைரலாகி வருகிறது.
விஜய், விஜய் சேதுபதி, சூர்யா, சாய் பல்லவி, ஹன்சிகா என்று நடிகர்கள், நடிகைகளின் பள்ளிக்கூட புகைப்படங்கள் சமூக வலைதளங்களில் வைரலாகி வருகிறது.
கோலிவுட்டில் முன்னணி நடிகர்களின் பட்டியலில் தல அஜித், தளபதி விஜய், தனுஷ், சூர்யா, சிவகார்த்திகேயன், விஷ்ணு விஷால், விக்ரம், விஜய் சேதுபதி என்று பலரும் இடம்பெற்றுள்ளனர்.
இதே போன்று முன்னணி நடிகைகளின் பட்டியலில் த்ரிஷா, ஹன்சிகா, நயன்தாரா, அமலா பால், சாய் பல்லவி, நஸ்ரியா நசீத் என்று பலரும் இடம்பெற்றுள்ளனர்.
இவர்கள் அனைவரும் பல மொழி படங்களில் பிஸியாக நடித்து வருகின்றனர். இந்த நிலையில், உலகத்தையே தாக்கிய கொரோனா வைரஸ் தற்போது இந்தியாவிலும் பாதிப்பை ஏற்படுத்தி வருகிறது.
நாளுக்கு நாள் அதிகரித்து வரும் கொரோனா பாதிப்பு காரணமாக சென்னை, காஞ்சிபுரம், செங்கல்பட்டு, திருவள்ளூர் ஆகிய 4 மாவட்டங்களில் முழு ஊரடங்கு அமல்படுத்தப்பட்டுள்ளது.
கொரோனா காரணமாக சினிமா படப்பிடிப்புகள் ரத்து செய்யப்பட்டுள்ள நிலையில், திரையரங்குகளும் மூடப்பட்டுள்ளன. எப்போது திரையரங்கள் திறக்கப்படும் என்று யாருக்கும் தெரியாது.
அப்படியிருக்கும் போது மாஸ்டர், சூரரைப் போற்று, ஜகமே தந்திரம் என்று உருவாக்கப்பட்டுள்ள புதிய படங்களின் ரிலீஸ் தேதி தள்ளி வைக்கப்பட்டுள்ளது.
தற்போது கொரோனா காரணமாக வீட்டிலேயே இருக்கும் பிரபலங்களின் பள்ளிக்கூட புகைப்படங்கள் ஹலோவில் வைரலாகி வருகிறது. நடிகர்கள், நடிகைகளின் பள்ளிக்கூட புகைப்படங்களை பதிவிட்டு, உங்களுக்குப் பிடித்த நடிகர்கள், நடிகைகள் யார் என்றெல்லாம் ரசிகர்கள் கேள்வி எழுப்பி வருகின்றனர்.
பள்ளிப் பருவத்தில் அனைவருமே சுட்டி தான். பள்ளியில் படிக்கும் போது சக மாணவியிடம் குறும்பு செய்யும் சுட்டியாக சாய் பல்லவி இருந்துள்ளார் என்பது குறிப்பிடத்தக்கது.
நடிகர்களின் பள்ளிக்கூட புகைப்படங்களை பார்க்கும் போது, நாம் படித்த பள்ளியும், பள்ளி பருவமும் நமக்கு ஞாபகத்திற்கு வந்திருக்கும். ஏனென்றால், எனக்கும் அப்படி ஞாபகத்திற்கு வந்தது என்பது குறிப்பிடத்தக்கது.
