Sura Movie; விஜய் மற்றும் தமன்னா நடிப்பில் வந்த சுறா படம் திரைக்கு வந்து இன்றுடன் 10 வருடங்கள் ஆகிவிட்டது.
விஜய் நடித்த சுறா படம் திரைக்கு வந்து 10 வருடங்களை கடந்துவிட்டது.
எஸ்பி ராஜ்குமார் இயக்கத்தில் விஜய், தமன்னா, வடிவேலு ஆகியோர் பலரது நடிப்பில் கடந்த 2010 ஆம் ஆண்டு ஏப்ரல் 30 ஆம் தேதி திரைக்கு வந்த படம் சுறா.
வேட்டைக்காரன் படத்தைத் தொடர்ந்து விஜய் தனது 50 ஆவது படமான சுறா என்ற படத்தில் நடித்தார். முதலில் இந்தப் படத்திற்கு எம்ஜிஆர் நடித்த உரிமைக்குரல் என்று டைட்டில் வைக்கப்பட இருந்தது.
ஆனால், அதன் பிறகு சுறா என்று டைட்டில் வைக்கப்பட்டது. விஜய்யின் 50 ஆவது படம் என்பதால், இயக்குநர்கள் செல்வராகவன், எஸ்பி ராஜ்குமார், கேவி ஆனந்த், பிரபு தேவா, சித்திக், ராஜா மோகன், ஆர் மாதேஷ், கே எஸ் ரவிக்குமார் மற்றும் பேரரசு ஆகியோருக்கு இடையில் கடும் போட்டி நிலவியது.
முதலில் பேரரசுக்கு வாய்ப்பு அளிக்கப்பட்டது. அதன் பிறகு, அழகர் மழை படத்தை இயக்கிய எஸ்.பி.ராஜ்குமாருக்கு வாய்ப்பு கொடுக்கப்பட்டது.
எஸ்பி ராஜ்குமார் இதற்கு முன்னதாக விஜய் நடித்த ஒன்ஸ் மோர் படத்தில் வசனகர்த்தாவாக இருந்துள்ளார்.
ஆதலால், விஜய்யின் 50 ஆவது படமான சுறா படத்தில் எஸ்பி ராஜ்குமாருக்கு வாய்ப்பு வழங்கப்பட்டது.
ஆனால், என்ன, இந்தப் படம் ரசிகர்களிடையே எதிர்மறை விமர்சனம் பெற்றது.
முதலில் இந்தப் படத்தில் நடிகர் பசுபதி வில்லனாக நடிக்க இருந்தார். ஆனால், அவருக்குப் பதிலாக தேவ் கில் ஒப்பந்தம் செய்யப்பட்டார்.
கடந்த 2010 ஆம் ஆண்டு ஏப்ரல் 23 ஆம் தேதி வெளியாக இருந்த நிலையில், ரிலீஸ் தேதி தள்ளி வைக்கப்பட்டு 30 ஆம் தேதி வெளியிடப்பட்டது.
இந்தப் படத்தில், விஜய்யின் நடிப்பு ரசிகர்களிடையே விமர்சனம் பெற்றது. படத்தின் காட்சிகளும் கொஞ்சம் ஓவராகவே காட்டப்பட்டது.
இந்த நிலையில், சுறா படம் திரைக்கு வந்து இன்றுடன் 10 ஆண்டுகள் ஆகியுள்ளது. இதன் காரணமாக, டுவிட்டரில், #10YearsOfSURA என்ற ஹேஷ்டேக் டிரெண்டாகி வருகிறது.
வரும் மே 1 ஆம் தேதி தொழிலாளர்கள் தினத்தை முன்னிட்டு சன் தொலைக்காட்சியில் பிற்பகல் 12.30 மணிக்கு சுறா படம் ஒளிபரப்பு செய்யப்படுகிறது.
