TV Actress Rani; சீரியல் நடிகையின் காதை கிழித்த ரசிகர்! சீரியல் நடிகைகளில் வில்லியாக வலம் வந்த நடிகை ராணியின் காதை கிழித்து அவரை மருத்துவமனையில் சிகிச்சை பெற வைத்த அவல நிலை ஏற்பட்டது.
சீரியல் நடிகை ராணியின் காதை கிழித்து அவரை மருத்துவமனையில் சிகிச்சை பெற வைத்த நிலை ஏற்பட்டது.
சன் தொலைக்காட்சியில் ஒளிபரப்பான அலைகள் என்ற தொடரின் மூலம் பிரபலமானவர் நடிகை ராணி. இந்த தொடரைத் தொடர்ந்து, குல தெய்வம், வள்ளி, முன் ஜென்மம், ரங்கா விலாஸ், அத்திப்பூக்கள் என்று பல தொடர்களில் நடித்துள்ளார்.
இவ்வளவு ஏன், பக்கிரி என்ற படத்திலும் நடித்துள்ளார். இந்தப் படத்திற்கு ரசிகர்களிடையே நல்ல வரவேற்பு கிடைத்ததாக கூறப்படுகிறது.
இந்த நிலையில், ஃப்ராங்க் ஷோக்களுக்கு நீதிமன்றம் தடை விதித்தது வரவேற்பதாகவும், அப்படி ஒரு ஷோவால் தான் மருத்துவமனையில் அனுமதிக்கப்பட்ட ஒரு சம்பவம் நிகழ்ந்ததாகவும் கூறியுள்ளார்.
இது குறித்து அவர் கூறுகையில், சீரியல் படப்பிடிப்பின் போது மதிய உணவு முடிந்த பிறகு நான் மீண்டும் ஸ்பாட்டுக்கு வந்தேன்.
அப்போது ஒருவர் என்னிடம் ஆட்டோகிராஃப் வாங்க வேண்டும் என்றார். நானும் போட்டேன்.
பிறகு போட்டோ எடுக்க வேண்டும் என்றார். நானும் ஒப்புக் கொண்டேன். அந்த நேரத்தில் என் பக்கத்தில் வந்து கொஞ்சம் உரசிக் கொண்டே புகைப்படம் எடுத்தார்.
அதன் பிறகு அவர் போகவில்லை. என்னதான் வேண்டும் என்றேன். நீதான் வேண்டும் என்றார். நான் அப்படியே பயந்துவிட்டேன். உடனே காதுக்கு பக்கத்தில் வந்து சத்தமாக கத்தினார்.
அவர் கத்திய கத்தில் எனது காதே கிழிந்து விட்டது போன்ற உணர்வு. அதோடு, காதும் சரியாக கேட்கவில்லை. பயத்தில் எனக்கு பேச்சே வரவில்லை. மருத்துவமனையில் 1 வாரம் சிகிச்சை பெற்றேன்.
இந்த சம்பவத்திற்குப் பிறகு தான் எனக்கு தெரியவந்தது. அது ஃபிராங்க் ஷோ. அதனால், தான் இது போன்று யாரும் செய்யக்கூடாது என்று நோக்கத்தில் நீதிமன்றம் ஃபிராங்க் ஷோவிற்கு தடை விதித்தது.
அது சந்தோஷமாக இருக்கிறது என்று அவர் குறிப்பிட்டுள்ளார்.
TV actress rani take medical treatment for her ear by prank Show
