Vijay Son Sanjay Tamil Debut; விஜய் மகன் சஞ்சய்க்கு வில்லனாக நடிக்கும் விஜய் சேதுபதி! விஜய்யின் மகன் சஞ்சய் ஹீரோவாக நடிக்கும் புதிய படத்தில் விஜய் சேதுபதி வில்லனாக நடிக்கயிருப்பதாக தகவல் வெளியாகியுள்ளது.
விஜய் மகனுக்கு விஜய் சேதுபதி வில்லனாக நடிக்க இருப்பதாக தற்போது தகவல் வெளியாகியுள்ளது.
அறிமுக இயக்குனர் பிச்சிபாபு சனா இயக்கத்தில் உருவாகி வரும் தெலுங்கு படம் உப்பெனா. இந்தப் படத்தில், சிரஞ்சீவியின் சகோதரி மகன் வைஷ்ணவ் தேஜ் ஹீரோவாக அறிமுகமாகியுள்ளார்.
இந்தப் படத்தில், விஜய் சேதுபதி வில்லனாக நடித்துள்ளார். அதுவும், ஹீரோயினுக்கு தந்தையாகவும், வில்லன் ரோலிலும் நடித்துள்ளார். இந்தப் படம் விரைவில் திரைக்கு வர இருக்கிறது.
இப்படம் குறித்து மாஸ்டர் படப்பிடிப்பின் போது விஜய்யிடம், விஜய் சேதுபதி கூறியுள்ளார். இந்த கதை தனது மகனுக்கு கண்டிப்பாக பொருத்தமாக இருக்கும் என்று விஜய் கூறியதாக சொல்லப்படுகிறது.
இதையடுத்து உப்பென்னா படத்தின் தமிழ் ரீமேக் உரிமையை விஜய் சேதுபதி கைப்பற்றி உள்ளார்.
இந்த நிலையில், உப்பென்னா படத்தின் தமிழ் ரீமேக்கில் விஜய் மகன் ஹீரோவாக நடிக்க இருப்பதாக கூறப்படுகிறது.
தெலுங்கில் வில்லனாக நடித்த விஜய் சேதுபதி, தமிழிலும் உருவாகும் உப்பென்னா படத்திலும் வில்லனாக நடிக்க இருக்கிறாராம்.
அதோடு, மைத்ரி மூவி மேக்கர்ஸ் நிறுவனத்துடன் இணைந்து விஜய் சேதுபதி இந்தப் படத்தை தயாரிக்க இருப்பதாகவும் கூறப்படுகிறது.
மாஸ்டர் படம் வெளியானதும், விஜய் – விஜய் சேதுபதி காம்பினேஷனுக்கு கிடைக்கும் வரவேற்பைப் பொறுத்து உப்பென்னா படத்தின் தமிழ் ரீமேக்கில் சஞ்சய் நடிப்பது குறித்தும், விஜய் சேதுபதி வில்லனாக நடிப்பது குறித்தும் அதிகாரப்பூர்வ அறிவிப்பு வெளியாகும் என்று கூறப்படுகிறது.
