எல்லோரும் ஒரு குட்டையில் ஊறிய மட்டைகளாம் – அன்புமணி விளக்கம்!
பாமக எம்.பி டாக்டர் அன்புமணி ராமதாஸ் இன்று செய்தியாளர்களைச் சந்தித்தார். அதிமுக-பாமக கூட்டணி குறித்து சரமாரிக் கேள்விகள் கேட்டகப்பட்டது.
அதற்கு அன்புமணியின் பதில் பின்வருமாறு, அதிமுகவை பாமக கடுமையாக விமர்சித்தது உண்மை தான்.
தவறு செய்தவர்களை விமர்சிப்பதில் தவறில்லை. பாமக என்றுமே தவறுகளைச் சுட்டிக்காட்டும்.
அதற்காக விமர்ச்சித்தவர்களுடன் கூட்டணி வைக்கக்கூடாது என்று இல்லை. மக்களுக்கு நன்மை தேடித்தர எந்த அணியுடனும் பாமக இணையத்தயார்.
இது நாடாளுமன்றத் தேர்தல் கூட்டணி. சட்டமன்றத்தேர்தல் வரும்போது முடிவுகள் வேறுவிதமாகக் கூட எடுக்கப்படும்.
இந்தியா முழுவதுமே அனேகக்கட்சிகள் விமர்சனம் செய்தவர்களுடன் கூட்டணி வைத்துள்ளனர். திமுகவும் கூட்டணி வைத்துள்ளது.
காங்கிரஸ் கட்சியைத் திமுக கடுமையாக விமர்சனம் செய்துவிட்டு மீண்டும் அவர்களுடனே கூட்டணி வைத்துக்கொண்டது. எனவே, நாங்கள் செய்ததில் ஒன்றும் தவறில்லை எனக் கூறியுள்ளார்.
எல்லோரும் ஒரே குட்டையில் ஊறிய மட்டைகள் தான் என அன்புமணி ராமதாஸ் சொல்லாமல் சொல்லியுள்ளார்.
