Alya Manasa Daughter Name; குழந்தைக்கு இப்படியொரு பேர வச்சு எல்லோரையும் அசர வச்ச ஆல்யா மானசா! தனது குழந்தைக்கு ஆல்யா மானசா அய்லா சையத் என்று பெயர் சூட்டியுள்ளார்.
ஆல்யா மானசா தனது மகளுக்கு அய்லா சையத் என்று பெயர் சூட்டியுள்ளார்.
கடந்த சில தினங்களுக்கு முன்பு பிறந்து 9 நாட்கள் ஆன தனது மகளின் புகைப்படத்தை இன்ஸ்டாகிராம் பக்கத்தில் பதிவிட்டிருந்தார்.
ராஜா ராணி சீரியல் மூலம் பிரபலமானவர்கள் ஆல்யா மானசா (Alya Manasa) மற்றும் சஞ்சீவ் கார்த்திக்(Sanjeev Karthick).
இந்த சீரியலில் சின்னையா என்ற ரோலில் சஞ்சீவும், செம்பா என்ற கதாபாத்திரத்தில் ஆல்யாவும் நடித்து சின்னத்திரை ரசிகர்களை தங்களது கதாபாத்திரங்கள் மூலம் கவர்ந்துள்ளனர்.
வெள்ளித்திரையை விட மக்களோடு மக்களாக ஒன்றிய சின்னத்திரைக்கு அதிகளவில் ரசிகர்கள் உண்டு. அதுவும் குடும்ப பெண்களுக்கு சொல்லவே வேணாம்.
அந்த வகையில் கடந்த சில ஆண்டுகளாக சின்னத்திரையில் ஜொலித்தவர்கள் ஆல்யா மானசா மற்றும் சஞ்சீவ் கார்த்திக். சீரியல்களில் ஒன்றாக நடித்து இருவரும் காதலிக்க ஆரம்பித்துள்ளனர். அதன் பிறகு திருமணம் செய்து கொண்டனர்.
காதலித்து திருமணம் செய்து கொண்ட இந்த ஜோடிக்கு அழகான குட்டி தேவதை பிறந்துள்ளதாக சஞ்சீவ் இன்ஸ்டாகிராம் பக்கத்தில் கடந்த 20 ஆம் தேதி பதிவிட்டிருந்தார்.
குழந்தை பிறப்பதற்கு முன்னதாகவே அதற்குரிய பொருட்களையும் வாங்கி வைத்திருந்தார். குழந்தை பிறந்து 9 நாட்கள் ஆன நிலையில், குழந்தையின் புகைப்படத்தை பதிவிட்டிருந்தார்.
இந்த நிலையில், ஆல்யா மானசா தனது மகளுக்கு இன்று பெயர் சூட்டியுள்ளார். இது குறித்து அவர் கூறுகையில், இந்த நாட்களில் ஒரு தாய்மையை முழுவதுமாக மகிழ்ச்சியாக அனுபவித்தேன்.
எங்களது மகளின் பெயரை அய்லா சையத் என்று அறிவிப்பதில் நாங்கள் இப்போது மகிழ்ச்சி அடைகிறோம் என்று பதிவிட்டுள்ளார்.
இதையடுத்து, ஆல்யா மானசா மற்றும் அவரது மகள் அய்லா சையத்திற்கு பலரும் வாழ்த்து தெரிவித்து வருகின்றனர் என்பது குறிப்பிடத்தக்கது.
