Celebrities Stay Home Video; 21 நாட்களுக்கு ஊரங்கு உத்தரவு: சினிமா பிரபலங்கள் என்ன சொல்றாங்க? 21 நாட்களுக்கு நாடு முழுவதும் தடை விதிக்கப்பட்டுள்ளதைத் தொடர்ந்து சினிமா பிரபலங்கள் பலரும் தங்களது டுவிட்டர் பக்கத்தில் கருத்து தெரிவித்து வருகின்றனர்.
நாளுக்கு நாள் கொரோனா பாதிப்பு அதிகரித்து வருகிறது. சீனாவில் தொடங்கி 100 நாடுகளுக்கும் மேலாக கொரோனா தாக்கதை ஏற்படுத்தியுள்ளது.
தற்போது இந்தியாவிலும் கொரோனா பாதிப்பு நாளுக்கு நாள் அதிகரித்து வருகிறது. இதுவரை கொரோனாவால் 562 பேர் பாதிக்கப்பட்டுள்ளனர். மேலும் 12 பேர் உயிரிழந்துள்ளனர்.
இந்த நிலையில், கொரோனா தாக்கம் மேலும், ஏற்படாமல் தடுக்கும் வகையில், 21 நாட்களுக்கு வரும் ஏப்ரல் 14 ஆம் தேதி வரையில் ஊரடங்கு உத்தரவு பிறப்பிக்கப்பட்டுள்ளது.
கொரோனா வைரஸ் குறித்தும், 21 நாட்கள் ஊரங்கு உத்தரவு குறித்தும், பாதுகாப்பு குறித்தும் சினிமா பிரபலங்கள் தங்களது டுவிட்டர் பக்கத்தில் வீடியோ வெளியிட்டு கருத்து தெரிவித்து வருகின்றனர்.
கமல் ஹாசன், பார்த்திபன், சிவகார்த்திகேயன், வரலட்சுமி சரத்குமார், மாளவிகா மோகனன், சூர்யா என்று மாஸ் நடிகர், நடிகைகள் தங்களது கருத்துக்களை தெரிவித்து வருகின்றனர்.
