Cobra Director Ajay Gnanamuthu; யாரு பாத்த வேலப்பா இது: தெறித்து ஓடிய இயக்குநர்! தளபதி65 படத்தை இயக்கவில்லை என்று இயக்குநர் அஜய் ஞானமுத்து தனது டுவிட்டர் பக்கத்தில் தெரிவித்துள்ளார்.
டிமாண்டி காலனி, இமைக்கா நொடிகள் ஆகிய படங்களைத் தொடர்ந்து அஜய் ஜானமுத்து இயக்கத்தில் உருவாகி வரும் புதிய படம் கோப்ரா.
இப்படத்தில் சியான் விக்ரம் 10க்கும் மேற்பட்ட கதாபாத்திரங்களில் நடித்து வருவதாக கூறப்படுகிறது. விக்ரமுக்கு ஜோடியாக, கேஜிஎஃப் படத்தில் யாஷிற்கு ஜோடியாக நடித்த ஸ்ரீநிதி ஷெட்டி நடிக்கிறார்.
மேலும், இர்ஃபான் பதான், கேஎஸ் ரவிக்குமார் ஆகியோர் முக்கிய ரோலில் நடிக்கின்றனர். படத்திற்கு ஏ.ஆர்.ரஹ்மான் இசையமைக்கிறார்.
ரஷ்யாவில் இப்படத்தில் அடுத்தகட்ட படப்பிடிப்பு நடக்க இருந்தது. ஆனால், கொரோனா வைரஸ் காரணமாக படப்பிடிப்பு தற்காலிகமாக நிறுத்தி வைக்கப்பட்டுள்ளது.
விக்ரமின் பிறந்தநாளுக்கு இன்னும் ஒரு மாதம் இருக்கும் நிலையில், டுவிட்டரில், #30DForChiyaanBDayFest என்ற ஹேஷ்டேக் டிரெண்டாகி வருகிறது.
இதற்கிடையில், விஜய்யின் தளபதி65 படத்தை அஜய் ஞானமுத்து இயக்கப்போவதாக டுவிட்டரில் தகவல் பரவி வருகிறது.
இதைப் பார்த்து அதிர்ச்சியடைந்த அஜய் ஞானமுத்து கூறுகையில், நோ இது யாரு பாத்த வேலனு தெரியவில்லை என்று பதிவிட்டிருந்தார்.
அந்த டுவிட்டரில், இயக்குநர் ஏ.ஆர்.முருகதாஸிடம் 7ஆம் அறிவு மற்றும் துப்பாக்கி ஆகிய படங்களுக்கு உதவி இயக்குநராக பணியாற்றியுள்ளார். அதன் பிறகு டிமாண்டி காலனி மற்றும் இமைக்கா நொடிகள் ஆகிய படங்களை இயக்கியுள்ளார்.
இந்த நிலையில் இந்த இரு படங்களின் வெற்றியைத் தொடர்ந்து தளபதி65 படத்தை இயக்க இருப்பதாக தகவல் வந்தது. தளபதி 65 படத்தை சன் பிக்சர்ஸ் நிறுவனம் தயாரிக்கிறது. படம் வரும் 2021 ஆம் ஆண்டு பொங்கல் பண்டிகைக்கு திரைக்கு வருகிறது என்று கூறப்பட்டுள்ளது.
