முதல் ஒரு நாள் போட்டியில் தோனி பங்கேற்பது சந்தேகம்
ஆஸ்திரேலியாவுக்கு எதிரான முதல் ஒரு நாள் போட்டியில் காயம் காரணமாக தோனி விளையாடுவதில் குழப்பம் ஏற்பட்டுள்ளது.
இந்தியாவில் சுற்றுப்பயணம் மேற்கொண்டுள்ள ஆஸ்திரேலிய அணி, இரண்டு டி-20 மற்றும் 5 ஒருநாள் போட்டிகளைக் கொண்ட தொடரில் விளையாடி வருகிறது.
டி20 தொடரில் சிறப்பாக விளையாடிய ஆஸ்திரேலிய அணி தொடரைக் கைப்பற்றியது. ஒரு நாள் போட்டி ஐதராபாத் மைதானத்தில் இன்று நடக்கவுள்ளது.
வலைப் பயிற்சியின்போது தோனி நீண்ட நேரம் பயிற்சி செய்ததால் எதிர்பாராத விதமாக ஒரு பந்து அவரது முழங்கையில் பலமாகப்பட்டது.
பெரிய காயம் எதுவும் ஆகவில்லை என்றாலும் மருத்துவக்குழு அவரை முழுதும் குணம் அடைந்த பின்னரே விளையாட அனுமதிப்பதாக கூறியுள்ளது.
மாற்று கீப்பர்கள் ஏற்கனவே ரிசப் பாண்ட், ராகுல் மற்றும் ராயுடு உள்ளனர். இதனால் தோனியின் இழப்பு இந்தியாவைப் பெரிதும் பாதிக்காது. ரிசப் பாண்ட் தன்னுடைய முதல் சர்வதேச போட்டியை விளையாட உள்ளார்
ஏற்கனவே டி20 தொடரில் தோற்றதால் ஒரு நாள் தொடரை கைப்பற்றும் முனைப்புடன் இந்தியா விளையாடும் என எதிர்பார்க்கப்படுகிறது.
