Thalapathy Vijay Bigil ReRelease; இந்த நாடுகளில் தளபதி விஜய்யின் பிகில் ரீ-ரிலீஸ்! தளபதி விஜய் நடிப்பில் திரைக்கு வந்த பிகில் படம் மறுபடியும் இலங்கை, ஜெர்மனி மற்றும் பிரான்ஸ் ஆகிய நாடுகளில் மீண்டும் ரிலீஸ் செய்யப்பட்டுள்ளது.
விஜய் நடித்த பிகில் படம் மீண்டும் ஜெர்மனி, பிரான்ஸ் மற்றும் இலங்கை ஆகிய நாடுகளில் மீண்டும் வெளியாகியுள்ளது.
அட்லி இயக்கத்தில் விஜய், நயன்தாரா, விவேக், யோகி பாபு, ஜாக்கி ஷெராஃப் ஆகியோர் பலர் நடிப்பில் கடந்தாண்டு தீபாவளி பண்டிகையை முன்னிட்டு திரைக்கு வந்த படம் பிகில்.
பிகில் படத்தில் விஜய் ராயப்பன், மைக்கேல், பிகில் ஆகிய கதாபாத்திரங்களில் நடித்துள்ளார் என்று போஸ்டர் வெளியான போது அனைவரும் கூறி வந்தனர்.
ஆனால், படம் வெளியான பிறகுதான் ராயப்பன் மற்றும் மைக்கேல் ராயப்பன் (பிகில்) என்று இரு கதாபாத்திரங்களில் மட்டுமே நடித்துள்ளார் என்பது தெரிய வருகிறது. அதுவும், அபபா, மகன் என்ற கதாபாத்திரம்.
உலகம் முழுவதும் பாதிப்பை ஏற்படுத்திய கொரோனா வைரஸ், தற்போது இந்தியாவிலும் தாக்கத்தை ஏற்படுத்தி வருகிறது.
கடந்த மார்ச் மாதம் முழுவதும் கொரோனா காரணமாக ஊரடங்கு உத்தரவு பிறப்பிக்கப்பட்டுள்ளது.
திரையரங்குகளும் மூடப்பட்டுள்ளன. படப்பிடிப்புகளும் நிறுத்தப்பட்டுள்ளன. கொரோனா காரணமாக தற்போது 6ஆம் கட்ட லாக்டவுன் பிறப்பிக்கப்பட்டுள்ளது.
கொரோனா லாக்டவுன் காரணமாக உலகம் முழுவதும் உள்ள திரையரங்குகளு மூடப்பட்டிருந்தன.
இந்த நிலையில், தற்போது வெளிநாடுகளில் கொரோனா தாக்கம் குறைந்து வரும் நிலையில், பல்வேறு கட்ட விதிமுறைகளுடன் திரையரங்குகள் திறக்கப்பட்டுள்ளன.
இதன் காரணமாக, இலங்கை, ஜெர்மனி மற்றும் பிரான்ஸ் ஆகிய நாடுகளில் தளபதி விஜய் நடித்த பிகில் படம் மறுபடியும் ரிலீஸ் செய்யப்பட்டுள்ளது. இது தளபதி ரசிகர்களுக்கு உற்சாகத்தைக் கொடுத்துள்ளது.
இதே போன்று வரும் ஆகஸ்ட் 1 ஆம் தேதி முதல் தமிழகத்தில் திரையரங்குகள் திறக்கப்படும் என்று எதிர்பார்க்கப்பட்டது.
ஆனால், தொற்று எண்ணிக்கை முழுமையாக கட்டுப்படுத்தப்பட்டு மக்கள் இயல்பு நிலைக்கு திரும்பிய பிறகு தியேட்டர்கள் திறக்கப்படுவதற்கான சாத்தியம் உள்ளது.
தற்போதைக்கு எந்த தளர்வும் வழங்கப்பட மாட்டாது என்று அமைச்சர் கடம்பூர் ராஜூ தெரிவித்துள்ளார் என்பது குறிப்பிடத்தக்கது.
பிகில் படத்தைப் போன்று, மெர்சல் மற்றும் சர்கார் ஆகிய படங்கள் மலேசியாவில் ரிலீஸ் செய்யப்பட்டுள்ளது.
மேலும், விவேக், ஹரிஷ் கல்யாண் மற்றும் தன்யா ஹோப் ஆகியோரது நடிப்பில் வெளியான தாராள பிரபு படமும் மலேசியாவில் ரிலீஸ் செய்யப்பட்டுள்ளது.
கடுமையான பாதிக்கப்பட்டு தற்போது இயல்பு நிலைக்கு திரும்பிய நிலையில், மலேசியாவில் தாராள பிரபு படம் ரிலீஸ் செய்யப்பட்டது மகிழ்ச்சி அளிக்கிறது என்று விவேக் தெரிவித்துள்ளதாக தகவல் தெரிவிக்கின்றது.
