Movie Review Adanga Maru – அடங்கமறு திரைவிமர்சனம்
அடங்கமறு வழக்கமான தமிழ்சினிமா படம். அதேவேளை, வழக்கமான ‘ஜெயம்ரவி’ படமும் கூட.
ஜெயம்ரவியின் சமூக அக்கறை, போலீஸ், துப்பறியும் திறன், விசித்திர தண்டனை, டைட்டில், காதல், சென்டிமென்ட் அனைத்தும் அப்படியே இந்தப் படத்திலும் உள்ளது.
சமீப காலமாக, புதிய இயக்குனர்களின் முதற்படம், டெக்னாலஜி விசயங்களை முன்வைத்தே எடுக்கப்படுகின்றன.
கார்த்திக் தங்கவேலின் முதல் படம் அடங்கமறு. இந்தப் படத்திலும் டெக்னாலஜியை முன்னிலைப்படுத்தியே திரைக்கதை அமைத்துள்ளார்.
டெக்னாலஜி, ஹாக்கிங் படங்கள் நிறையவே பார்த்துவிட்டதால், பெரிய பிரமிப்பு ஒன்றும் இல்லை. அதேவேளை எந்த இடத்திலும் தொய்வு இல்லை.
படம், அதிவேகமாகவோ குறைவாகவோ இல்லாமல் மிதமான வேகத்தில் ஆரம்பித்து, அதே வேகத்திலேயே முடிந்துவிடுகின்றது.
உயர் அதிகாரிகள், அதிகார வர்க்கத்தினர் மற்றும் பணக்காரர்கள் யார் தவறு செய்தாலும் அவர்களுக்கு அடங்கமறு. கோர்ட் மூலமே, தனி ஒருவனாகவோ எப்படியாயினும் தண்டனை வழங்கு.
இதுதான் படத்தின் ஒன்லைன், முழுலைன், முழுக்கதை, முன்னுரை மற்றும் முடிவுரை அனைத்துமே.
காதலுக்கும், கிளாமருக்கும் ராஷி கண்ணா. உண்மையான காதலுக்கு கில்மா அவசியமாம். இது புதுரக ஆட்டமாவுல இருக்கு….
கில்மா வேணும்னு, படம் பார்க்க வந்த ஜோடிகளை, வலுகட்டயமாக உசுப்பேற்றி விடுகிறார் ஜெயம் ரவி.
டைட்டானிக் காட்சியை மறைப்பது, அத நாலு டைம் பாத்துட்டேன்னு சின்ன பையன் சொல்லுறதும், எதார்த்த உண்மையாகிப்போனது. 2k கிட்ஸ் ராக்ஸ்…
அத்தனை கதாப்பாத்திரங்கள் இருந்தும் ஜெயம்ரவி மட்டுமே, படம் முழுவதிலும் தெரிகிறார்.
வரம்பு மீறாமல், இஷ்டத்திற்கு கதை எழுதாமல், முடிந்த அளவு லாஜிக் ஓட்டைகளைக் குறைத்து ஒரு தரமான படத்தைக் கொடுத்துள்ளார் கார்த்திக் தங்கவேல்.
ஆர்ட் ஒர்க் சிறப்பு. ஒரு சில படங்களில் கலை இயக்குனர்களுக்கு முக்கியதுவம் கிடைக்கும். லால்குடி இளையராஜா சிறப்பாக செய்துள்ளார்.
இசை வழக்கமான ஒன்றே. ரூபன் எடிட்டிங். சத்யசூரியனின் ஒளிப்பதிவு சிறப்பு. ஸ்டண்ட் சிவாவின் பங்கு சிறப்பு.
மொத்தத்தில், வழக்கமான ஜெயம்ரவி படம்.
