தமிழ்நாடு: மத்திய குடும்ப நலம் மற்றும் சுகாதாரத்துறை அமைச்சகத்தின் இன்று மாலை தெரிவித்த தகவலின் படி தமிழ்நாட்டில் இன்று 669 புதிய கொரோனா நோயாளிகள் உறுதி செய்யப்பட்டுள்ளனர்.
இந்த அறிவிப்பால் தமிழ்நாட்டில் கொரோனா நோயாளிகளின் எண்ணிக்கை 7,204 ஆக அதிகரித்துள்ளது. தமிழ்நாட்டின் மொத்த கொரோனா பாதிப்பில் 1,824 பேர் குணம் அடைந்து உள்ளனர் மற்றும் 47 பேர் கொரோனாவால் இறந்துள்ளனர்.
தமிழ்நாட்டில் சென்னை முதலிடம்
சென்னையில் மட்டும் அதிகபட்சமாக 509 கொரோனா தொற்றுகள் உறுதி செய்யப்பட்டுள்ளது. அதை தொடர்ந்து திருவள்ளூரில் 47 கொரோனா தொற்றும், செங்கல்பட்டில் 43 கொரோனா தொற்றும் இன்று உறுதி செய்யப்பட்டுள்ளன.
மராட்டியம் முதலிடம்
தமிழ்நாடு மொத்தம் 7,204 கொரோனா நோயாளிகளுடன் இந்தியாவிலேயே 3 ஆவது இடத்தில் உள்ளது. மராட்டியம் தொடர்ந்து 20,228 கொரோனா நோயாளிகளுடன் முதலிடத்தில் உள்ளது. அதை தொடர்ந்து 7,797 கொரோனா நோயாளிகளுடன் குஜராத் இரண்டாம் இடத்திலும் உள்ளது.
தரவுகள் அனைத்தும் சுகாதாரம் மற்றும் குடும்ப நலத்துறை வெளியிட்ட தகவலில் இருந்து பெறப்பட்டவையாகும்.
