ஜான் சீனாவ என்னடா பண்ணி வச்சிருக்க!

ஜான் சீனாவ என்னடா பண்ணி வச்சிருக்க!

WWE என்றாலே 90’s கிட்ஸ் குதுகலமாய் பார்ப்பது உண்டு. சிறுசுகள் முதல் பெருசுகள் வரை பே… என வாய்பிளந்து பார்த்த வரலாறு கூட உண்டு.

காரணம், நம்ம ஊரு குழாயடி சண்டைபோல், பெண்கள் வளையத்துக்குள் சண்டை இடுவார்கள். கொஞ்சம் ஆபாசம் வேறு அதிலடங்கும்.

இவை எல்லாமே சொல்லிவைத்து செய்வது என பல வருடங்களுக்கு பின்பே தெரிய வந்தது. WWF என்பது WWE என மாறியது முதல், உலக அளவில் ரசிகர்கள் வெகுவாக குறைய துவங்கிவிட்டனர்.

அண்டர்டேக்கர் செத்துசெத்துப் பிழைப்பதும், கெய்ன் கொடூர முகத்தை காட்டி மிரட்டுவதும், ரேண்டி ஆர்டன் சைக்கோ தனமாக அடிப்பது. ட்ரிப்பில் ஹெச் சுத்தியலுடன் வலம்வருவது என ஒவ்வொருவரும் ஒரு சிறப்புடன் வலம்வருவர்.

ஆனால் சமீபகாலமாக அந்த சுவாரஸ்யங்கள் ரஸ்லிங் போட்டியில் குறைந்துவிட்டன.

நீண்ட நாட்களுக்கு பின்னர் ஜான் சீனா, WWE வளையத்திற்குள் தோன்றினார். அவருடைய ரசிகர்களே அதை விரும்பவில்லை.

மொட்டை வெட்டுத் தலையுடன், you can’t see me என்ற வாசகத்துடன் கூடிய டீ-சர்ட்டுடன் அசத்தலாக வலம்வருவார்.

ஆனால், நேற்று அவர் தோன்றியவிதமோ வேறு. You Can’t Stop Me என்ற டீ-சர்ட்டுடன் மொக்கை ஹேர் ஸ்டைலுடன் காணப்பட்டார்.

பதினாறு முறை சாம்பியன் பட்டம் வென்ற ஜான்சீனாவை, அவருடைய ரசிகர்களே ரசிக்கவில்லை. அவர் இப்படி தோன்றியதற்கு தோன்றாமலே இருந்திருக்கலாம்.

இதற்கு ஜான்சீனா பொறுப்பாக முடியாது. காரணம், இவை எல்லாமே ஒரு செட்டப்தான். இவர்கள் வீரர்கள் எனக்கூறிக்கொள்வதில்லை. WWE STAR அல்லது WWE ACTOR என்றுதான் கூறுவார்கள்.

அவர்களுக்கு அது ஒரு நாடக மேடை. ஸ்கிரிப்ட்டில் என்ன உள்ளதோ அதைத்தான் மேடையில் செய்வார்கள். அதனால் ஆச்சரியப்பட ஒன்றுமில்லை…

ஜான் சீனா மேடையில் பேசியதாவது:-

ஹாலிவுட் படப்பிடிப்பில் பிஸியாக இருந்தாலும், ரஸ்லிங் போட்டிகளை தொடர்ந்து கவனித்து கொண்டே இருப்பேன்.

தன்னுடைய ஹேர்ஸ்டைலை அவரே காலாய்த்து ஜோக் ஒன்றைச் சொன்னார். முன்னாள் காதலி நிக்கிபெல்லா உடன் நடந்த பிரிவை பற்றிப் பேசினார்.

மேலும், புத்தாண்டு என்பது சிறப்பான ஒன்று. நம்முடைய கடந்த காலத்தைத் திரும்பிப் பார்க்கலாம். எதிர்காலத்தைப் பற்றி திட்டமிடலாம் எனக் கூறினார்.

பெக்கி லிஞ்ச் கூறியதாவது:-

இந்த வருடத்தில், உன்னை விட்டுச்செல்லும் முதல் பெண், நிக்கி பெல்லா அல்ல. பத்தோடு பதினொன்னு, அத்தோடு அவளும் ஒன்னு என வேடிக்கையாகக் கூறினார்.

ஜான் சீனா மற்றும் பெக்கி லிஞ்ச் ( WWE diva) சேர்ந்து டேக்டீம் போட்டியில் அல்மஸ் மற்றும் செலினாவை எதிர்கொள்ள உள்ளனர்.

ஜான் சீனா ரீ என்ட்ரி குறித்து ரசிகர்களின் டிவிட்டர் கருத்து

• நீ எல்லாம் வரலேனு இப்போ யார் அழுதா ( who cares).
• வீட்டுக்கு போ. ஆகவேண்டிய வேலைய பாரு ( go home stay there). உன்னை விட சிறந்த இளமையான வீரர்கள் இப்போ வந்து விட்டார்கள்.

கொஞ்சம் ரஜினி மகளின் கல்யாண வீடியோவையும் பாத்துட்டு போங்களேன்.. காமெடி கலாட்டா…