சபரிமலைக்குள் நுழைந்த பெண்: அடித்து துவைத்த மாமியார்!
சமீபத்தில் சபரிமலைக்குள் அதிகாலையில் பலத்த போலீஸ் பாதுகாப்புடன் ஐயப்பன் கோவிலுக்குள் சென்று இரு பெண்கள் சாமி தரிசனம் செய்தனர்.
அதற்கு முன்னர் பகலில் பெண்கள் குழுவாக சென்றபோது, ஐய்யப்ப பக்தர்களால் அடித்து விரட்டப்பட்டனர்.
அதன்பின் அங்கேயே முகாமிட்டு போலீஸ் பாதுகாப்புடன் கனகதுர்காவும், சிந்துவும் உள்ளே நுழைந்தனர். இது கேரளா முழுவதும் பலத்த சர்ச்சையைக் கிளப்பியது.
பெரும்பாலான பெண்களே இதற்கு எதிர்ப்பு தெரிவித்தனர். இதனால் இருவரும் போலீஸ் பாதுகாப்பில் தங்கவைக்கப்பட்டனர்.
போலீஸ் பாதுகாப்பில் இருந்து கொண்டு பெண்ணியத்தை நிலைநாட்டியதாக பல்வேறு பத்திரிக்கைகளுக்கு போஸ் கொடுத்து விளம்பரம் தேடிக்கொண்டனர்.
ஜனவரி 2-ம் தேதி கனக துர்கா, பிந்து என்ற இரு பெண்கள் கோவிலுக்குள் சென்றுவிட்டு மறைமுகமாக கேரளாவிற்குள்ளேயே பதுங்கியிருந்தனர்.
இந்நிலையில் சர்சைகள் ஓரளவு ஓய்ந்துவிட்டதாக கருதி நேற்று போலீஸ் பாதுகாப்புடன் வீடு திரும்பினர்.
கனக துர்கா வீடு திரும்பியதும், அவருடைய மாமியார் மற்றும் உறவினர்கள் வீட்டிற்குள் கதவை சாத்தி வெளு வெளுவென்று வெளுத்துள்ளனர்.
பலமாக தாக்கப்பட்டு படுகாயமடைந்த அவரை போலீசார் மீட்டு மருத்துவமனையில் அனுமதித்துள்ளனர்.
வெளியில் இருந்து அச்சுறுத்தல் வரும் என எதிர்பார்த்து வாசலில் காவலுக்கு இருந்த போலீசார், வீட்டிற்குள் மாமியாரே பொளந்து கட்டியதைப் பார்த்து அதிர்ச்சியடைந்துள்ளனர்.
சபரிமலைக்குள் நுழைய நினைத்த அனைத்துப் பெண்களுக்கும் இது அதிர்ச்சியையும், பயத்தையும் ஏற்படுத்தியுள்ளது.
இதுகுறித்து கனகதுர்கா கூறியதாவது, “காலையில்தான் வீட்டிற்குச் சென்று கதவை தட்டினேன். என் மாமியார் உருட்டுக் கட்டையுடன் வந்து 12 முறை தலையில் அடித்து, தரதரவென இழுத்து வெளியே வீசினார் எனப் புகார் தெரிவித்துள்ளார்.
ஆனால், அவரது மாமியார் வீல் சேரில் சென்று மருத்துவமனையில் படுத்துள்ளார். கனக துர்கா தான் என்னைத் தாக்கிவிட்டார் என மாமியார் கூறியுள்ளார்.
