மாணவர் போராட்டம் வட மாநிலங்கள் முழுவதும் எதிரொலித்து வரும் நிலையில் தென் இந்தியாவிலும் பரவத் துவங்கியுள்ளது.
இன்று மேற்கு வங்க முதல்வர் மம்தா பானர்ஜி ஆளுநர் எதிர்ப்பையும் மீறி கொல்கத்தாவில் மாபெரும் பேரணியை நடத்தி மத்திய அரசை கண்டித்தார்.
குடியுரிமை சட்டம் மற்றும் தேசிய குடிமக்கள் பதிவேட்டை எதிர்த்து இந்த பேரணி நடைபெற்றது. இதில் ஏராளமான திரிணாமுல் காங்கிரஸ் தொண்டர்கள் மற்றும் பொதுமக்கள் கலந்துகொண்டனர்.
வடஇந்தியாவில் மட்டும் குடியுரிமை சட்டத்தை எதிர்த்து போராட்டம் நடைபெற்று வந்த நிலையில் சென்னையிலும் மாணவர்கள் போராட்டத்தை நடத்தியுள்ளனர்.
சென்னை ஐஐடி மற்றும் மெட்ராஸ் பல்கலைக்கழக மாணவர்கள் கிண்டியில் கண்டன ஆர்ப்பாட்டம் நடத்தினர்.
