Aranthangi Nisha Viral Video; வேற வழியில்லாமல் என்னோட கல்யாண வீடியோவ பாத்தேன்: அறந்தாங்கி நிஷாவின் கண்ணீர் வீடியோ! எப்போ பார்த்தாலும் அழுகைதான் வருகிறது என்று திருமண வீடியோவைப் பார்த்த அறந்தாங்கி நிஷா தெரிவித்துள்ளார்.
எப்போது பார்த்தாலும் அழுகைதான் வருகிறது என்று தனது திருமண வீடியோவை வெளியிட்டு அறந்தாங்கி நிஷா உருக்கமாக பேசியுள்ளார்.
விஜய் தொலைக்காட்சியில் ஒளிபரப்பாகி வரும் கலக்கப்போவது யாரு நிகழ்ச்சியின் மூலம் பிரபலமானவர் அறந்தாங்கி நிஷா.
தனது திறமையை வெளிக்காட்டி தனக்கென்று ஒரு அடையாளத்தை வகுத்துக்கொண்டார். ஸ்டாண்ட் அப் காமெடியைத் தொடர்ந்து நிகழ்ச்சி தொகுப்பாளினியாகவும் வலம் வருகிறார்.
விஜய் தொலைக்காட்சியில் ஒளிபரப்பு செய்யப்பட்ட குக் வித் கோமாளி நிகழ்ச்சியை தொகுத்து வழங்கினார்.
சின்னத்திரையைத் தொடர்ந்து வெள்ளித்திரையிலும் கால் பதித்துள்ளார். மாரி 2, ஆண் தேவதை, கலகலப்பு 2, கோலமாவு கோகிலா ஆகிய படங்களில் நடித்துள்ளார்.
இந்த நிலையில் லாக்டவுன் காரணமாக சினிமா படப்பிடிப்புகள் ரத்து செய்யப்பட்டுள்ள நிலையில், பிரபலங்கள் பலரும் வீட்டிலேயே முடங்கியிருக்கின்றனர். அப்படியிருக்கும் போது அறந்தாங்கி நிஷாவும் வீட்டில் தான் இருக்கிறார்.
சரி, வீட்டில் தானே இருக்கிறோம் என்று வேறு வழியில்லாமல் அவரது திருமண வீடியோவை பார்த்துள்ளார். அதைப் பார்த்ததும் அவர் கண்ணீர்விட்டு அழுதுள்ளார்.
இது குறித்து திருமண வீடியோவை இன்ஸ்டாகிராம் பக்கத்தில் பதிவிட்டு அறந்தாங்கி நிஷா கூறுகையில், வேற வழியில்லாமல் என்னோட திருமண வீடியோவை பார்த்தேன். எப்போ பார்த்தாலும் அழுகைதான் வருகிறது. பொண்ணா பொறந்தா இதை கடந்து தான் போகணும் என்று உருக்கமாக கூறியுள்ளார்.
தற்போது இந்த வீடியோ சமூக வலைதளங்களில் வைரலாகி வரும் நிலையில், அறந்தாங்கி நிஷா வைரல் வீடியோ என்ற ஹலோ ஹேஷ்டேக் டிரெண்டாகி வருகிறது.
