Atharvaa; ஹீரோ ஒர்க் அவுட்டாகல: தாதாவாகும் வாரிசு நடிகர்! குருதி ஆட்டம் படத்தில் நடிகர் அதர்வா தாதாவாக நடிக்கிறார் என்று தகவல் வெளியாகியுள்ளது.
அதர்வா வளர்ந்து வரும் நடிகர்களில் ஒருவராக இருக்கிறார். பானா காத்தாடி என்ற படத்தின் மூலம் சினிமாவில் அறிமுகமானார்.
தொடர்ந்து பரதேசி, இரும்பு குதிரை, இமைக்கா நொடிகள், பூமராங், 100 ஆகிய படங்களில் நடித்துள்ளார். எனினும், மாஸ் ஹீரோவா என்றால் இல்லை.
தற்போது குருதி ஆட்டம் (Kuruthi Aattam), தள்ளி போகாதே, ஒத்தைக்கு ஒத்தை, ருக்குமணி வண்டி வருது ஆகிய படங்களில் நடித்து வருகிறார்.
எட்டு தோட்டாக்கள் புகழ் ஸ்ரீ கணேஷ் இயக்கும் படம் குருதி ஆட்டம் (Kuruthi Aattam). இதில், அதர்வா, ப்ரியா பவானி சங்கர் ஆகியோர் முன்னணி கதாபாத்திரங்களில் நடிக்கின்றனர்.
இவர்களுடன் இணைந்து ராதாரவி, ராதிகா சரத்குமார் ஆகியோரும் நடிக்கின்றனர். இந்த நிலையில், குருதி ஆட்டம் படம் பற்றி இயக்குநர் ஸ்ரீகணேஷ் கூறியிருப்பதாவது:
அதிரடி சண்டைக் காட்சிகளை உள்ளடக்கிய 2 தாதாக்களைப் பற்றிய படம். இதில் அதிர்வா, ராதாரவி இருவருக்கும் இடையில் மோதல் நடக்கிறது. அதுதான் திரைக்கதை. மதுரையை பின்னணியாகக் கொண்டு படம் உருவாக்கப்பட்டுள்ளது.
அதர்வா, ராதாரவி, ப்ரியா பவானி சங்கர், ராதிகா சரத்குமார் ஆகியோருக்கிடையே நடக்கும் சம்பவங்கள்தான் படம் என்று கூறியுள்ளார்.
ஸ்ரீகணேஷ் இப்படி கூறியதுமே நமது ஞாபகத்திற்கு வருவது, கௌதம் கார்த்திக் நடிப்பில் வந்த தேவராட்டம் படம் தான். அதில், கௌதம் கார்த்திக் வழக்கறிஞராக இருந்து கொண்டு ரவுடியை போட்டுத்தள்ளுவது.
கௌதம் கார்த்திக் குடும்பத்திற்கும், ரவுடிக்கும் இடையில் நடக்கும் சம்பவம். மதுரையை பின்னணியில் வைத்து படம் உருவாக்கப்பட்டது. இதே பாணியில், குருதி ஆட்டம் படம் உருவாக்கப்பட்டுள்ளதால், படம் பற்றி இப்போதைக்கு சொல்வதற்கு ஒன்றுமில்லை.
