Crazy Mohan Memorial Day; நகைச்சுவை நடிகர் கிரேசி மோகன் நினைவு நாள் இன்று! கமல் ஹாசன் மூலம் திரையுலகில் அறிமுகமான நகைச்சுவை நடிகர் கிரேசி மோகன் நினைவு தினம் இன்று அனுசரிக்கப்படுகிறது.
கதை வசன கர்த்தாவான கிரேசி மோகன் நினைவு தினம் இன்று அனுசரிக்கப்படுகிறது.
தமிழ் சினிமாவில் நகைச்சுவை நடிகர்களில் ஒருவராக திகழ்ந்தவர் நடிகர் கிரேசி மோகன். கதை வசன கர்த்தாவாகவும், நாடக ஆசிரியராகவும் திகழ்ந்தவர். ஏராளமான மேடை நாடகங்களை இயக்கியுள்ளார்.
கமல் ஹாசன் மூலமாக சினிமாவில் அறிமுகமான கிரேசி மோகன், அவரது படங்களிலேயே பெரும்பாலும் நடித்துள்ளார். கமல் ஹாசனின் அபூர்வ சகோதரர்கள் படத்திற்கு வசனம் எழுதியவர் இவரே.
மைக்கேல் மதன காமராஜ், பஞ்ச தந்திரம், வசூல் ராஜா எம்பிபிஎஸ் ஆகிய திரைப்படங்களுக்கு வசனம் எழுதியுள்ளார். இந்த படங்கள் எல்லாமே கமல் ஹாசன் நடித்த படங்கள் என்பது குறிப்பிடத்தக்கது.
இவர், அபூர்வ சகோதரர்கள், மைக்கேல் மதன காமராஜ், ஆஹா, காதலா காதலா, பஞ்ச தந்திரம், வசூல்ராஜா எம்பிபிஎஸ், நான் ஈ, அருணாச்சலம், தெனாலி, சதீலீலாவதி ஆகிய படங்களில் நடித்துள்ளார் என்பது குறிப்பிடத்தக்கது.
கிரேசி மோகன் கடந்த ஆண்டு ஜூன் 10 ஆம் தேதி மாரடைப்பு ஏற்பட்ட நிலையில், சிகிச்சைக்கு அனுமதிக்கப்பட்டிருந்த நிலையில், சிகிச்சை பலனின்றி பரிதாபமாக உயிரிழந்தார். அவர் மறைந்து இன்றுடன் ஒரு வருடன் ஆன நிலையில், இன்று, கிரேசி மோகன் நினைவு நாள் அனுசரிக்கப்படுகிறது.
கிரேசி மோகன் நினைவு நாளை முன்னிட்டு சினிமா பிரபலங்கள் பலரும் அவரை நினைவுகூர்ந்து வருகின்றனர்.
