Home சினிமா கோலிவுட் ஆக்‌ஷனில் கலக்கிய சுழல் சூறாவளி ஹர்பஜன் சிங்: வைரலாகும் பிரண்ட்ஷிப் மூவி வீடியோ!

ஆக்‌ஷனில் கலக்கிய சுழல் சூறாவளி ஹர்பஜன் சிங்: வைரலாகும் பிரண்ட்ஷிப் மூவி வீடியோ!

0
204
Friendship Movie Teaser

Friendship Movie Video; ஆக்‌ஷனில் கலக்கிய சுழல் சூறாவளி ஹர்பஜன் சிங்: வைரலாகும் பிரண்ட்ஷிப் மூவி வீடியோ! ஹர்பஜன், லோஸ்லியா ஆகியோரது நடிப்பில் உருவாகியுள்ள பிரண்ட்ஷிப் படத்தின் வீடியோ ஒன்று வெளியாகி சமூக வலைதளங்களில் வைரலாகி வருகிறது.

இயக்குநர் ஜான் பால்ராஜ் மற்றும் சூர்யா ஆகியோரது இயக்கத்தில் உருவாகியுள்ள புதிய படம் பிரண்ட்ஷிப்.

இந்தப் படத்தின், மூலம் இந்திய கிரிக்கெட் அணியின் சுழற்பந்து வீச்சாளர் ஹர்பஜன் சிங் ஹீரோவாக அவதாரம் எடுத்துள்ளார்.

இதே போன்று கமல் ஹாசன் தொகுத்து வழங்கிய பிக் பாஸ் நிகழ்ச்சியின் மூலம் உலகம் முழுவதும் பிரபலமான லோஸ்லியா ஹீரோயினாக அவதாரம் எடுத்துள்ளார். இதுவே லோஸ்லியாவின் முதல் படம்.

இந்தப் படத்தில் ஆக்‌ஷன் கிங் அர்ஜூன் மற்றும் நகைச்சுவை நடிகர் சதீஷ் ஆகியோரும் நடித்துள்ளனர். இந்தப் படத்திற்கு டிஎம் உதய குமார் இசையமைத்துள்ளார்.

அண்மையில், இந்தப் படத்தில் இடம்பெற்றுள்ள முதல் சிங்கிள் டிராக் சூப்பர்ஸ்டார் ஆந்தம் பாடல் வெளியானது. இந்தப் பாடலை சிம்பு தனது சொந்தக் குரலில் பாடியுள்ளார்.

இந்த நிலையில், பிரண்ட்ஷிப் படத்தின் புதிய வீடியோ ஒன்று நண்பர்கள் தினத்தை முன்னிட்டு நேற்று வெளியாகி சமூக வலைதளங்களில் வைரலாகி வருகிறது.

மேக்கிங் வீடியோ போன்று இருக்கும் அந்த வீடியோவில் ஹர்பஜன் சிங் தனது அதிரடி ஆக்‌ஷனை காட்டுகிறார். லோஸ்லியா, ஆக்‌ஷன் கிங் அர்ஜூன், சதீஷ் ஆகியோரும் அந்த வீடியோவில் இடம்பெற்றுள்ளனர் என்பது குறிப்பிடத்தக்கது.

தமிழ், தெலுங்கு, ஹிந்தி ஆகிய மொழிகளிலும் பிரண்ட்ஷிப் படம் வெளியாக இருக்கிறது.

தற்போது கொரோனா லாக்டவுன் காரணமாக திரையரங்குகள் மூடப்பட்டுள்ள நிலையில், விரைவில், திரையரங்குகள் திறந்த பிறகே பிரண்ட்ஷிப் படம் வெளிவரும் என்று எதிர்பார்க்கப்படுகிறது.

NO COMMENTS

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.