Master Audio Launch Invitation; இசை வெளியீட்டு விழா அழைப்பிதழில் மாஸ்டர் டிசர்ட்! இன்று மாலை 6.30 மணிக்கு மாஸ்டர் இசை வெளியீடு நடக்க இருக்கிறது.
சென்னை லீலா பேலஸ் ஹோட்டலில் மாஸ்டர் இசை வெளியீடு நடக்க இருக்கிறது.
விஜய் நடிப்பில் உருவாக்கப்பட்டுள்ள படம் மாஸ்டர். உலகம் முழுவதும் ரசிகர்கள் மாஸ்டர் படத்தின் வெளியீட்டிற்காக காத்துக் கொண்டிருக்கின்றனர். வரும் ஏப்ரல் 9 ஆம் தேதி மாஸ்டர் படம் திரைக்கு வருகிறது.
மாஸ்டர் படத்தில் விஜய்யுடன் இணைந்து, விஜய் சேதுபதி, மாளவிகா மோகனன், சாந்தணு, சஞ்சீவ், ஆண்ட்ரியா, நாசர், அருண் தாஸ், ஸ்ரீமன், பிரேம், ரமேஷ் திலக், ரம்யா சுப்பிரமணியன், லோகேஷ் கனகராஜ், ரத்ன குமார், கௌரி கிஷான், பிரிகிதா ஆகியோர் என்று நட்சத்திர பட்டாளங்கள் நடித்துள்ளனர்.
அண்மையில், மாஸ்டர் படத்தின் குட்டி ஸ்டோரி, வாத்தி கம்மிங் ஆகிய படங்கள் வெளியாகி சமூக வலைதளங்களில் அதிகளவில் தாக்கத்தை ஏற்படுத்தியது.
இயக்குநர் லோகேஷ் கனகராஜின் 34 ஆவது பிறந்தநாளை முன்னிட்டு நேற்று மாஸ்டர் மூன்றாவது சிங்கிள் டிராக் வாத்தி ரெய்டு பாடல் வெளியாகி வைரலானது.
இதையடுத்து, தற்போது உலகமே ஆவலுடன் எதிர்நோக்கி இருப்பது மாஸ்டர் இசை வெளியீட்டிற்காக மட்டுமே.
ஆம், மாஸ்டர் இசை வெளியீட்டில் யாரெல்லாம் கலந்து கொள்வார்கள், என்னென்ன பேசுவார்கள் குறிப்பாக நம்ம மாஸ்டர் விஜய் என்ன பேசுவார் என்பதை கேட்பதற்கும், பார்ப்பதற்கும் ஆவலுடன் எதிர்பார்த்து காத்திருக்கின்றனர்.
விஜய் அரசியல் பற்றி பேசுவார் என்றும், தனது வீட்டில் நடந்த வருமான வரித்துறை சோதனை பற்றியும் பேசுவார் என்று எதிர்பார்க்கப்படுகிறது.
சென்னை லீலா பேலஸ் ஹோட்டலில் நடக்கும் மாஸ்டர் இசை வெளியீட்டிற்கு குறுகிய நபர்களுக்கு மட்டுமே அழைப்பிதழ் வழங்கப்பட்டுள்ளது.
பொதுமக்கள் மற்றும் மீடியாவிற்கு அழைப்பிதழ் இல்லை என்றும், வெறும் பத்திரிக்கை நண்பர்கள் மற்றும் சினிமா பிரபலங்கள் ஆகியோருக்கு மட்டுமே அழைப்பிதழ் வழங்கப்பட்டுள்ளது என்கிறது தகவல்.
மாஸ்டர் இசை வெளியீட்டு விழா அழைப்பிதழில் மாஸ்டர் டீசர்ட், ஸ்மார்ட் கார்டு, மாஸ்டர் இசை வெளியிட்டு பாடல்கள் டிராக் ஆகியவை அடங்கிய ஒரு பெட்டகம் இடம்பெற்றுள்ளது என்பது குறிப்பிடத்தக்கது.
மாஸ்டர் டீசர்ட் ஆரஞ்சு கலரில் மாஸ்டர் என்று அச்சிடப்பட்டுள்ளது. இனி வரும் காலங்களில் மாஸ்டர் டீசர்ட் கடைகளில் விற்பனை செய்யப்படும் என்று எதிர்பார்க்கப்படுகிறது.
