Ponnambalam; சிறுநீரக கோளாறு காரணமாக பொன்னம்பலம் மருத்துவமனையில் அனுமதி! வில்லன் நடிகர் பொன்னம்பலம் சிறுநீரக கோளாறு காரணமாக மருத்துவமனையில் சிகிச்சைக்காக அனுமதிக்கப்பட்டுள்ளார்.
நாட்டாமை புகழ் பொன்னம்பலம் சிறுநீரக கோளாறு காரணமாக மருத்துவமனையில் அனுமதிக்கப்பட்டுள்ளார்.
கடந்த 1988 ஆம் ஆண்டு கலியுகம் என்ற படத்தின் மூலம் சினிமாவில் அறிமுகமானவர் வில்லன் நடிகர் பொன்னம்பலம். இந்தப் படத்தில் சிறைக்கைதியாக நடித்திருந்தார்.
Moonnam Mura, Orkkapurathu ஆகிய மலையாளப் படங்களில் நடித்தார். அதன் பிறகு தொடர்ச்சியாக தமிழ் சினிமாவில் பல படங்களில் நடித்துள்ளார். அபூர்வ சகோதரர்கள், வெற்றி விழா, மைக்கேல் மதன காம ராஜன், வெற்றி படிகள், புது மனிதன், மாநகர காவல், நாங்கள்,…
மூன்றெழுத்தில் என் மூச்சிருக்கும், தங்கராசு, பரதன், நாளைய செய்தி, கோட்டை வாசல், செந்தமிழ் பாட்டு, எல்லைச்சாமி, சாமுண்டி, வால்டர் வெற்றிவேல், மாமியார் வீடு, இந்து, முத்து, இந்திய, மாமன் மகள்,…
காந்தி பிறந்த மண், தர்மசக்கரம், அருணாச்சலம், வள்ளல், வல்லரசு, மாயி, தை பொறந்தாச்சு, லூட்டி, ராஜ்ஜியம், தமிழ், நாட்டாமை, சாமி, தென்னவன், ஆஞ்சநேயா, ஜெய், கில்லி, கிரி, அருள், கோமாளி என்று ஏராளமான படங்களில் நடித்துள்ளார்.
கடந்த 1988 ஆம் ஆண்டு சினிமாவில் அறிமுகமாகி தற்போது வரை தமிழ், மலையாளம், தெலுங்கு மற்றும் கன்னடம் ஆகிய மொழிகளில் ஏராளமான படங்களில் நடித்துள்ளார்.
நாட்டாமை, முத்து, அருணாச்சலம் ஆகிய படங்கள் பொன்னம்பலத்தின் வில்லத்தனத்தை பறைசாற்றும் படங்களாக அமைந்துள்ளன.
ரஜினிகாந்த், விஜயகாந்த் ஆகியோருடன் இணைந்து ஏராளமான படங்களில் நடித்துள்ளார். சங்கர் குரு, பேர் சொல்லும் பிள்ளை, சத்யா, என் தங்கை கல்யாணி என்று பல படங்களுக்கு ஸ்டண்ட் மேனாகவும் இருந்துள்ளார்.
இவ்வளவு ஏன், கடந்த 2018 ஆம் ஆண்டு விஜய் தொலைக்காட்சியில் ஒளிபரப்பான பிக் பாஸ் தமிழ் சீசன் 2 நிகழ்ச்சியிலும் கலந்து கொண்டுள்ளார்.
இந்த நிலையில், நடிகர் பொன்னம்பலம் திடீர் உடல்நலக் குறைவு காரணமாக மருத்துவமனையில் அனுமதிக்கப்பட்டுள்ளார்.
அவர் சிறுநீரக கோளாறு காரணமாக அடையாறில் உள்ள விஹெச்எஸ் தனியார் மருத்துவமனையில் சிகிச்சைக்காக அனுமதிக்கப்பட்டுள்ளார்.
பொன்னம்பலத்தின் மருத்துவ சிகிச்சைக்கு கமல் ஹாசன் நிதியுதவி செய்து வருகிறார். மேலும், பொன்னம்பலத்தின் இரு குழந்தைகளையும் கமல் ஹாசன் தான் படிக்க வைத்தும் வருகிறார்.
அதோடு, தினமும் பொன்னம்பலத்தை தொலைபேசி மூலமாக தொடர்பு கொண்டு நலம் விசாரித்து வருகிறார் என்பது குறிப்பிடத்தக்கது.
பொன்னம்பலம் மருத்துவமனையில் சிகிச்சை பெற்று வரும் புகைப்படங்கள் மற்றும் வீடியோக்கள் சமூக வலைதளங்களில் வைரலாகி வருகிறது.
பொன்னம்பலம் விரைவில் குணமடைந்து வீடு திரும்ப வேண்டும் என்று ரசிகர்கள் பிரார்த்தனை செய்து வருகின்றனர் என்பது குறிப்பிடத்தக்கது.
