சன் டிவியில் தல அஜித்தின் வீரம்: ரசிகர்கள் கொண்டாட்டம்!

Veeram On Sun TV; சன் டிவியில் தல அஜித்தின் வீரம்: ரசிகர்கள் கொண்டாட்டம்! தல அஜித் நடித்த வீரம் படம் இன்று மாலை 6.30 மணிக்கு சன் தொலைக்காட்சியில் ஒளிபரப்பு செய்யப்படுகிறது.

சன் டிவியில் அஜித் நடித்த வீரம் படம் ஒளிபரப்பு செய்யப்படுகிறது.

இயக்குநர் சிறுத்தை சிவா – அஜித் கூட்டணியில் வந்த முதல் படம் வீரம். அண்ணன் தம்பிகளோடு ஆக்‌ஷன் கதையை மையப்படுத்தி வீரம் படம் உருவாக்கப்பட்டது.

வீரம் படத்தில் அஜித்திற்கு ஜோடியாக தமன்னா நடித்திருந்தார். இசை, தேவி ஸ்ரீ பிரசாத். விஜயா புரோடக்‌ஷன்ஸ் நிறுவனம் வீரம் படத்தை தயாரித்திருந்தது.

இந்தப் படத்தில் அஜித், சாதியைப் பற்றி வசனம் பேசியிருப்பார். ஆம்,

நீ தேவன் – னு நினச்சா தேவன்

நாடான் – னு நினச்சா நாடான்

வன்னியன் – னு நினச்சா வன்னியன்

கவுண்டன் – னு நினச்சா கவுண்டன்

அய்யர் – னு நினச்சா அய்யர்

நீ எந்த சாதினு நினைக்கிறியோ நான் அந்த சாதி டா…

ரத்தத்தில் சாதி பாக்காத

மொத்தத்தில் நான் உழைக்கிற சாதிடா…

இப்படியெல்லாம் வசனம் பேசி தனது ரசிகர்களை வியக்க வைத்திருப்பார்.

வீரம் படத்திற்கு கிடைத்த மாபெரும் வரவேற்பைத் தொடர்ந்து தெலுங்கில் டப் செய்யப்பட்டு வெளியிடப்பட்டது.

அதன் பிறகு தெலுங்கில் கட்டமராயுடு என்ற டைட்டிலில் ரீமேக் செய்யப்பட்டது. கன்னடத்திலும் ரீமேக் செய்யப்பட்டது. ஹிந்தியில் டப் செய்யப்பட்டு வெளியானது.

கடந்த 2014 ஆம் ஆண்டு ஜனவரி 10 ஆம் தேதி திரைக்கு வந்த வீரம் படம் விமர்சன ரீதியாகவும், வசூல் ரீதியாகவும் அமோக வரவேற்பு பெற்றது.

சிவா – அஜித் கூட்டணிக்கு கிடைத்த முதல் பரிசு வீரம் படத்தின் வெற்றி. இப்படத்தின் வெற்றியைத் தொடர்ந்து சிவா – அஜித் கூட்டணியில் வேதாளம், விவேகம் மற்றும் விஸ்வாசம் ஆகிய படங்கள் திரைக்கு வந்து ஹிட் கொடுத்தன.

இந்த நிலையில், வீரம் படம் திரைக்கு வந்து 6 ஆண்டுகள் ஆன நிலையில், இன்று மாலை 6.30 மணிக்கு சன் தொலைக்காட்சியில் ஒளிபரப்பு செய்யப்படுகிறது.

இதற்கு முன்னதாக கடந்த ஏப்ரல் 12 ஆம் தேதி ஒளிபரப்பு செய்யப்பட்டுள்ளது. பல முறை சன் டிவியில் வீரம் படம் ஒளிபரப்பு செய்யப்பட்டுள்ளது என்பது குறிப்பிடத்தக்கது.

கடந்த 12 ஆம் தேதி அஜித் நடித்த விஸ்வாசம் படம் சன் டிவியில் 3ஆவது முறையாக ஒளிபரப்பானது. தற்போது ஹாட்ரிக் வெற்றி கொடுத்துள்ளது.

ஆம், கடந்த 12 ஆம் தேதி ஒளிபரப்பு செய்யப்பட்ட விஸ்வாசம் படத்தை டிவியில் மட்டும் 16.12 மில்லியன் பேர் பார்த்துள்ளனர் என்பது குறிப்பிடத்தக்கது.

Sun TV Telecast Thala Ajith Veeram Movie Today at 6.30 pm