வலிமை அப்டேட் இல்லை: தயாரிப்பாளர் அதிரடி அறிவிப்பு!

Valimai Update; வலிமை அப்டேட் இல்லை: தயாரிப்பாளர் அதிரடி அறிவிப்பு! அஜித் நடிப்பில் உருவாகி வரும் வலிமை படத்தின் அப்டேட் இல்லை என்று தயாரிப்பாளர் போனி கபூர் அறிவிப்பு வெளியிட்டுள்ளார்.

நாளை அஜித்தின் 49 ஆவது பிறந்தநாள் என்பதால், வலிமை ஃபர்ஸ்ட் லுக் போஸ்டர் வெளியாகும் என்று எதிர்பார்த்த நிலையில், தயாரிப்பாளர் வலிமை குறித்து அப்டேட் வெளியிட்டுள்ளார்.

நேர்கொண்ட பார்வை படத்தைத் தொடர்ந்து அஜித் மீண்டும் இயக்குநர் ஹெச் வினோத் மற்றும் போனி கபூர் கம்பினேஷனில் வலிமை படத்தில் நடிக்கிறார்.

இப்படத்தின் படப்பிடிப்பு விறுவிறுப்பாக நடந்து வரும் நிலையில், இதுவரை ஹீரோயின் பற்றிய தகவல் ஏதும் வெளிவரவில்லை.

எனினும் பாலிவுட் நடிகை ஹூமா குரேஸி அஜித்துக்கு ஜோடியாக நடிக்க இருப்பதாக கூறப்படுகிறது.

என்னை அறிந்தால் படத்தைத் தொடர்ந்து அஜித் இந்தப் படத்தில் போலீஸ் அதிகாரியாக நடிக்கிறார்.

போலீஸ் கதையை மையப்படுத்திய இந்தப் படம் மங்காத்தா படத்தை போன்று இருக்கும் என்று இயக்குநர் ஹெச் வினோத் கூறியிருந்தார்.

யுவன் சங்கர் ராஜா படத்திற்கு இசையமைக்கிறார். நாளை அஜித் தனது 49 ஆவது பிறந்தநாளை கொண்டாடுகிறார்.

இதன் காரணமாக வலிமை படத்தின் ஃபர்ஸ்ட் லுக் போஸ்டர் வெளியாகும் என்று ரசிகர்கள் ஆவலுடன் இருந்தனர்.

இந்த நிலையில், வலிமை படம் குறித்து தயாரிப்பாளர் போனி கபூர் முக்கியமான அறிவிப்பு ஒன்றை வெளியிட்டுள்ளார்.

அதன்படி, கரோனா என்கிற கொடிய நோயின் தாக்கத்தில், அகில உலகமே போராடிக் கொண்டிருக்கும் இந்தத் தருணத்தில் எங்கள் நிறுவனம் தயாரிக்கும் எந்தப் படத்துக்கும் எந்தவிதமான விளம்பரமும் செய்ய வேண்டாம் என்று

எங்கள் நிறுவனத்தில் பணியாற்றும் நடிகர், நடிகையர் மற்றும் தொழில்நுட்பக் கலைஞர்கள் ஆகியோரைக் கலந்து ஆலோசித்து ஒருமித்த கருத்தோடு முடிவெடுத்துள்ளோம் என்பதைத் தெரிவித்துக் கொள்கிறோம். அ

துவரை தனித்திருப்போம், நம் நலம் காப்போம் என்று தெரிவித்துள்ளார். இந்த அறிவிப்பால் அஜித் ரசிகர்கள் ஏமாற்றமடைந்ததோடு இல்லாமல், வருத்தமடைந்துள்ளனர்.

இதற்கு முன்னதாக அஜித்தும் தனது பிறந்தநாளை கொண்டாட வேண்டாம் என்று கேட்டுக் கொண்டிருந்தார். மேலும், புகைப்படங்களையும் பதிவிட வேண்டாம் என்று கேட்டுக் கொண்டார்.

இதன் காரணமாக அஜித் ரசிகர்கள் தொடர்ந்து வருத்தமடைந்துள்ளனர். எனினும், அஜித் பற்றிய தகவல்கள், படங்கள், பாடல்கள் ஆகியவற்றை அவரது ரசிகர்கள் ஹலோவில் பகிர்ந்து வருகின்றனர் என்பது குறிப்பிடத்தக்கது.

வரும் தீபாவளி பண்டிகையை முன்னிட்டு திரைக்கு வர இருந்த வலிமை படம் கொரோனா காரணமாக 2021 ஆம் ஆண்டு பொங்கல் பண்டிகையை முன்னிட்டு திரைக்கு வரும் என்று கூறப்படுகிறது.