விராட் கோலி, அனுஷ்கா மோதல். விராட் கோலி அறிமுகமாக நடிக்கும் ‘ட்ரைலர் தி மூவி’ மற்றும் அனுஷ்கா ஷர்மா நடித்த ‘சுய் தாகா’ ஒரே நாளில் ரிலீஸ்.
விராட்கோலி, சற்றுமுன் அவருடைய ட்விட்டர் பக்கத்தில், ஒரு ட்வீட் தட்டி எல்லோரையும் குழப்பிவிட்டுள்ளார். பாலிவுட்டில் 10 வருடங்களுக்கு பிறகு மீண்டும் அறிமுகமாகும் ‘ட்ரைலர் தி மூவி’ என்ற போஸ்டரை வெளியிட்டுள்ளார்.
அந்த போஸ்டரில், வரும் 29-ம் தேதி வெளியாகும் என குறிப்பிடப்பட்டுள்ளது. trailerthemovie.com என்ற இணைய முகவரியும் கீழே கொடுக்கப்பட்டுள்ளது.
இது நிச்சயம் திரையில் வெளியாகும் படமாக இருக்காது. குறும்படத்தில் முக்கிய கதாப்பாத்திரத்தில் நடித்திருக்கலாம் என கூறப்படுகிறது. trailerthemovie.com இணையத்தில் இக்குறும்படம் வெளியிடப்படலாம்.
மேற்கண்ட இணையத்தில் விராட்கோலி துப்பாக்கியுடன் உள்ள போஸ்டர் உள்ளது. எனவே திரில்லர் குறும்படமாக இருக்க வாய்ப்பு உள்ளது.
அதேநாளில், அனுஷ்காஷர்மா நடித்த ‘சுய்தாகா’ என்ற படம் திரையரங்குகளில் வெளியாக உள்ளது. விராட்கோலியும் அதேதேதியில் தன்னுடைய படம் ரிலீசாகும் எனக்கூறியதால் ஒரே நாளில் இருவரும் மோதிக்கொள்ள உள்ளனர்.
