கரோனா வைரஸ்: ஆறு நாட்களில் அதிநவீன மருத்துவமனை

கரோனா வைரஸ்: ஆறு நாட்களில் அதிநவீன மருத்துவமனை ஒன்றைக் கட்டும் திட்டத்தை துவங்கியுள்ளது சீன அரசு.

சீனா: ஹீபெய் மாகாணத்தின் தலைநகரான வூஹான் நகரில் அதிநவீன மருத்துவமனை ஒன்றை கட்டும் முயற்சியில் சீன அரசு இறங்கியுள்ளது.

கரோனா வைரஸினால் பாதிக்கப்பட்ட மக்களுக்கு சிகிச்சை அளிக்க இந்த மருத்துவமனை கட்டப்பட உள்ளதாக சீன ஊடகங்கள் செய்தி வெளியிட்டுள்ளது.

கரோனா வைரஸ் coronavirus

சீனாவின் தலைநகரான ஹீபெய் மாகாணத்தின் தலைநகரான வூஹானில் கடந்த சில நாட்களுக்கு முன்னர் மர்மக்காய்ச்சலால் இருவர் உயிரிழந்ததை தொடர்ந்து ஆய்வுகள் மேற்கொள்ளப்பட்டு அவர்களுக்கு கரோனா வைரஸ் இருந்தது கண்டுபிடிக்கப்பட்டது.

வேகமாக பரவும் கரோனா

தற்போதைய தகவலின் படி சீனாவில் கரோனா வைரஸினால் உயிரிழந்தோர் எண்ணிக்கை 41-ஆக அதிகரித்து உள்ளது. மேலும் 1200க்கும் மேற்பட்டோர் கரோனா தொற்றால் பாதிக்கப்பட்டு இருப்பதாக தெரிய வருகிறது.

சமீபத்தில் உயிரிழந்த மற்றும் பாதிக்கப்பட்ட மக்கள் அனைவரும் வூஹான் நகரைச் சேர்ந்தவர்கள் என்பதால் சீனா முழுவதும் இவ்வைரஸ் பற்றிய பயம் தொற்றி உள்ளது.

சீனாவை மட்டும் அல்ல உலக நாடுகள் அனைத்திற்கும் பயம் ஏற்பட்டுள்ளது. இதனால் சீனா முழுவதும் பலத்த பாதுகாப்பு நடவடிக்கைகள் மேற்கொள்ளப்பட்டு வருகிறது.

அதி நவீன மருத்துவமனை

வூஹான் மறுத்துவமையில் நீண்ட வரிசையில் கூட்டம் அதிகமாக அலைமோதுவதால் பலர் மருத்துவ உதவி பெறாமலேயே வீடு திரும்புகின்றனர்.

இதனை சரி செய்து அவர்களுக்கும் மருத்துவ உதவிகளை வழங்க சீன அரசு முடிவெடுத்தது. இதனால், 6 நாட்களில் மிக அவசரமாக ஆதி நவீன மருத்துவமனை ஒன்றை கட்டத் திட்டமிட்டுள்ளது.

அதிநவீன மருத்துவமனை பணிகள் நேற்று துவங்கிவிட்டது. வரும் பிப்ரவரி மாதம் இந்த அதி நவீன மருத்துவமனை திறக்கப்பட உள்ளது.

நோய் பரவாமல் தடுக்க முன்னேற்பாடுகள்

மேலும் நோய் பரவாமல் இருக்க 10 நகரங்களில் போக்குவரத்து தடை செய்யப்பட்டுள்ளது.

இரண்டரை கோடி மக்கள் வாழும் ஹூவாங்ஷி நகரில் படகுப் போக்குவரத்தும் ரத்து செய்யப்பட்டுள்ளது. மொத்தத்தில் மூன்றரை கோடி மக்களின் நடமாட்டம் கட்டுப்படுத்தப்பட்டுள்ளது.

வெஜ்க்கு மாறும் சீனர்கள்

பாம்பின் கறியிலிருந்து இந்த வைரஸ் பரவி இருக்கலாம் என சீன விஞ்ஞானிகள் கூறுவதால் சீனர்கள் அவர்களின் உணவு பழக்கங்களை மாற்றி வருகின்றனர்.

ஊர்வன பறப்பனவற்றை விட்டு காய்கறியின் மீது நாட்டம் கொண்டுள்ளனர். எனினும் வைரஸ் குறித்த அதிகாரப்பூர்வ தகவல்கள் இன்னும் வெளிவரவில்லை.

தமிழகத்தில் முன்னேற்பாடு

கரோனா வைரஸ் தமிழகத்தில் இல்லை என பொதுசுகாதார இயக்குனர் குழந்தைசாமி கூறியுள்ளார்.

மேலும் இந்த கரோனா வைரஸ் குறித்து குழந்தைசாமி தெரிவித்ததாவது, “காய்ச்சல், சளி, இருமல், மூச்சுத் திணறல் ஆகியவை இதன் அறிகுறியாகும்.

இது மற்றுமொரு நிமோனியா போன்றது. பன்றிக்காய்ச்சல் போன்ற பாதிப்புகள் ஏற்படலாம் என்று மருத்துவர்கள் கூறுகின்றனர்.

இந்த வகை வைரஸை கண்டறிய பூனேவில் உலக தேசிய வைராலஜி நிறுவனம் மற்றும் சில நிறுவனங்களும் தயார் நிலையில் உள்ளன.

அரசு ராஜுவ் காந்தி பொது மருத்துவமனையில் 8 படுக்கை வசதி கொண்ட தனியறை அமைக்கப்பட்டுள்ளது” எனத் தெரிவித்தார்.

எதற்கும் பொதுமக்கள் விழிப்புடன் இருப்பது மிகவும் அவசியம். ஒரு நோய் வரும் முன் காப்பதே சிறந்தது.