புதுடெல்லி: ஞாயிற்றுக்கிழமை புதிதாக 2889 கொரோனா தொற்றுகள் கண்டுபிடிக்கப்பட்டன. டெல்லியின் மொத்த கொரோனா எண்ணிக்கை 83,077 ஆக உள்ளது என அரசு தெரிவித்தது.
புதுடெல்லியில் இன்று மட்டும் 2,889 கொரோனா தொற்றுகள்
“ புதுடெல்லியில் இன்று மட்டும் 2,889 கொரோனா தொற்றுகள் கண்டுபிடிக்கப்பட்டன. டெல்லியின் மொத்த கொரோனா எண்ணிக்கை 83,077 ஆக உள்ளது, இதில் 52,607 பேர் குணமடைந்து வீடு திரும்பினர், 27,847 பேர் சிகிச்சை பெற்று வருகின்றனர் மற்றும் 2,633 பேர் கொரோனாவால் இறந்தனர்,” என டெல்லி சுகாதார துறை தெரிவித்தது.
ஞாயிற்றுக்கிழமை 65 பேர் கொரோனாவால் இறந்துள்ளனர்
ஞாயிற்றுக்கிழமை 65 பேர் கொரோனாவால் இறந்துள்ளனர் என டெல்லி அரசு தெரிவித்தது. இதனுடன் டெல்லியில் கொரோனாவால் இறந்தவர்களின் எண்ணிக்கை 2,633 ஆக உயர்ந்தது.
இந்தியாவில் ஒரே நாளில் ஏற்பட்ட அதிகபட்ச தொற்று
இந்திய அளவில் ஞாயிற்றுக்கிழமை மட்டும் ஒரே நாளில் 19,906 புதிய தொற்றுகள் உறுதி செய்யப்பட்டுள்ளது. இது இந்தியாவில் ஒரே நாளில் ஏற்பட்ட அதிகபட்ச தொற்றாக கருதப்படுகிறது.
மேலும் இன்று ஒரே நாளில் 410 பேர் கொரோனாவிற்கு பலியாகி உள்ளனர். இதுவரை கொரோனாவால் இறந்த மொத்த இறப்பு 16,095 ஆக உள்ளது.
