மாஸ்டர் இசை வெளியீடு நடக்கும் லீலா பேலஸ் ஒரு பார்வை!

Master Audio Launch Leela Palace; மாஸ்டர் இசை வெளியீடு நடக்கும் லீலா பேலஸ் ஒரு பார்வை! மாஸ்டர் இசை வெளியீடு லீலா பேலஸ் ஹோட்டலில் நடக்க இருக்கிறது.

சென்னையில் உள்ள லீலா பேலஸ் (The Leela Palace) ஹோட்டலில் தான் விஜய்யின் மாஸ்டர் படத்தின் இசை வெளியீட்டு விழா நடக்க இருக்கிறது.

மாஸ்டர் இசை வெளியீட்டு விழா எங்கு எப்போது நடக்கும் என்று கேட்டுக்கொண்டிருந்த ரசிகர்களுக்கு அதற்கான நேரம் வந்துவிட்டது.

இன்று மாலை 6.30 மணிக்கு அதுவும் சென்னையில் உள்ள புகழ்பெற்ற பிரமாண்டமான லீலா பேலஸ் ஹோட்டலில் நடக்க இருக்கிறது என்ற செய்தி கேட்டால் சும்மாவா இருப்பாங்க…

லோகேஷ் கனகராஜ் இயக்கத்தில் விஜய் நடிப்பில் உருவாக்கப்பட்டுள்ள படம் மாஸ்டர். கல்வி முறை, நீட் தேர்வு உள்ளிட்ட பல அம்சங்களை மையப்படுத்தி இப்படம் உருவாக்கப்பட்டுள்ளதாக கூறப்படுகிறது.

மாஸ்டர் படத்தில் விஜய் கல்லூரி பேராசிரியராக நடித்துள்ளார் என்கிறது தகவல். விஜய் சேதுபதி வில்லனாகவும், மாளவிகா மோகனன் விஜய்க்கு ஜோடியாகவும் நடித்துள்ளனர்.

மாஸ்டர் வரும் ஏப்ரல் 9 ஆம் தேதி தமிழ் புத்தாண்டிற்கு முன்னதாக வெளியாகி வசூல் வேட்டை நடத்த தயாராகியுள்ளார்.

இந்த நிலையில், இன்று மாஸ்டர் இசை வெளியீடு நடக்க இருக்கிறது. சென்னையில் உள்ள லீலா பேலஸ் ஹோட்டலில் இன்று மாலை 6.30 மணிக்கு நடக்கிறது. இதனை சன் டிவி தங்களது சேனலில் நேரலை செய்கிறது என்பது குறிப்பிடத்தக்கது.

அதற்கு முன்னதாக லீலா பேலஸ் எங்கிருக்கிறது? அதில் உள்ள சிறப்பம்சம் என்ன? என்று பார்ப்போம்…

சென்னை மெரினா கடற்கரை தெற்குப் பகுதி முடிவான எம்.ஆர்.சி நகரில் (ஆர்.ஏ.புரம்) அமைந்துள்ளது. கடலை முகப்பாக கொண்டு அமைக்கப்பட்ட முதல் ஹோட்டல் லீலா பேலஸ்.

கடந்த 2013ன் ஆம் ஆண்டு ஜனவரி மாதம் திறக்கப்பட்ட இந்த ஹோட்டலுக்கு செலவு மட்டும் 8000 மில்லியனுக்கும் அதிகமாம்.

16 அடுக்குமாடி கொண்ட இந்த ஹோட்டலில் மொத்தம் 338 அறைகள் இருக்கிறது. அதோடு, கிட்டத்தட்ட 2200 ச.மீ பரப்பில் விருந்து, கூட்டம் நடைபெறக்கூடிய அரங்க வசதியும் இருக்கிறது.

இந்தப் பகுதியில் தான் மாஸ்டர் இசை வெளியீடு நடக்க இருக்கிறது என்று கூறப்படுகிறது.

பஸ் ரூட்

கோயம்பேட்டிலிருந்து 114 CUT, 15B, 521H, 15F, PP21

செனாய்நகரிலிருந்து 15B, 109,

அண்ணா நகர் டவர் பகுதியிலிருந்து 15L, PP21,

சென்னை பார்க்கிலிருந்து 17D, 15B, 521H,

மயிலாப்பூர் திருவல்லிக்கேணியிலிந்து 102, 109, 151, 587,6A, B21, 109C, 21K, L21, PP21

தாம்பரத்திலிருந்து 12C, 21D,

தியாகராயா நகரிலிருந்து 5B ஆகிய பகுதிகளிலிருந்து லீலா பேலஸ் ஹோட்டலுக்கு வரலாம்.

மாஸ்டர் இசை வெளியீடு நடக்க இருப்பதால், அந்தப் பகுதியில் போலீஸ் பாதுகாப்பு பலப்படுத்தப்பட்டிருக்கும் என்று எதிர்பார்க்கப்படுகிறது. அதோடு, மாஸ்டர் இசை வெளியீட்டு விழாவிற்கான அழைப்பிதழ் வைத்திருப்பவர்களுக்கு மட்டும் அனுமதி என்று கூறப்படுகிறது.

நேற்று மாஸ்டர் படத்தின் மூன்றாவது சிங்கிள் டிராக் வாத்தி ரெய்டு பாடல் வெளியாகி சமூக வலைதளங்களில் வைரலானது.