இளமதி கடத்தப்பட்டார் எனக் கூறப்பட்ட நிலையில் தன்னை யாரும் கடத்தவில்லை தானகவே காரில் ஏறிச்சென்றதாக நீதிமன்றத்தில் ட்விஸ்ட் கொடுத்த இளமதி.
இளமதி – செல்வன் திருமணம்
ஈரோடு மாவட்டத்தில் உள்ள தர்மாபுரி என்ற கிராமத்தை சேர்ந்தவர் செல்வன் (26). அதே கிராமத்தை சேர்ந்த இளமதி (23) என்ற பெண்ணை காதலித்துள்ளார்.
திராவிட விடுதலைக் கழகத்தின் உறுப்பினர் செல்வன் என்பதால் இவர்களுடைய திருமணம் சேலம், கவலாண்டியூரில் உள்ள பெரியார் படிப்பகத்தில் நடைபெற்று உள்ளது.
கவலாண்டியூர் தலைமை உறுப்பினர் ஈஸ்வரன் தலைமையில் இந்த திருமணம் நடைபெற்றுள்ளது.
இளமதி கடத்தல்
பாமக மற்றும் கொங்கு அமைப்பைச் சேர்ந்தவர்கள் திருமணம் செய்து வைத்த ஈஸ்வரனை தாக்கி, காரில் கடத்தி செல்வன்-இளமதி இருப்பிடத்திற்கு அழைத்துச் செல்லக் கூறியுள்ளனர்.
செல்வன்-இளமதி தம்பதியினர் இருக்கும் இடத்தை அடைந்தவுடன் செல்வனை ஒரு காரிலும், இளமதியை ஒரு காரிலும் ஏற்றிச்சென்றுள்ளனர்.
இந்த காட்சி அங்கு உள்ள சிசிடிவி கேமராக்களில் பதிவாகியுள்ளது. இருப்பினும் போலீசார் நான்கு நாட்களாக எந்த ஒரு நடவடிக்கையும் எடுக்கவில்லை.
சமூக வலைதளப்போர்
திராவிடர் விடுதலைக்கழகத்தைச் சேர்ந்தவர்கள் இளமதி திருமணத்தின் போது, உரசிக்கொண்டு இருக்கும் புகைப்படம் ஒன்றை வெளியிட்டு இது திரௌபதி படத்தில் வரும் நாடகக்காதல்.
இன்னொருவர் மனைவியுடன் இப்படிதான் உரசிக்கொண்டு இருப்பீர்களா? இந்த நாடகக் காதலில் இருந்து இளமதியை காப்பற்றி உள்ளோம்.
அவரை யாரும் கடத்தவில்லை என ஒரு தரப்பினர் வாட்ஸ்ஆப், ட்விட்டர் போன்ற தளங்களில் சேர் செய்து வந்தனர்.
மற்றொரு தரப்பினர் அவர் இளமைதிக்கு தந்தை போன்றவர். இப்படி தரம் தாழ்த்தி அபாண்டமாக பேசவேண்டும். உங்கள் ஜாதி வெறியை கட்ட இது தான் நேரமா? என மாறி மாறி சண்டையிட்டுக்கொண்டனர்.
மாஸ்டர் இசை வெளியீடு நடக்கும் லீலா பேலஸ் ஒரு பார்வை! https://t.co/745ANFsKXx #VaathiRaid #MasterThirdSingle #MasterAudioLaunch
— Mr Puyal (@MrPuyal) March 15, 2020
ட்விஸ்ட் கொடுத்த இளமதி
இந்நிலையில் மேட்டூர் காவல் நிலையத்தில் இளமதி ஆஜரானார். அங்கிருந்து நிதிமன்றம் அழைத்துச் செல்லப்பட்டார்.
நிதிமன்றத்தில் தன்னை யாரும் கடத்தவில்லை. தானே விருப்பப்பட்டு காரில் ஏறிச் சென்றேன் எனத் தெரிவித்துள்ளார். அதேபோன்று செல்வனை விருப்பப்பட்டே திருமணம் செய்து கொண்டதாகவும் கூறியுள்ளார்.
இளமதியை ஈரோடு அரசுக் காப்பகத்தில் வைக்குமாறு நிதிமன்றம் உத்தரவிட்டு உள்ளது. இன்று மீண்டும் இளமதி பெற்றோருடன் செல்வதில் உறுதியாக இருந்தால் பெற்றோருடன் அனுப்பி வைக்கப்படுவார் எனத் தெரிகிறது.
இந்நிலையில் திராவிடர் கழகத்தினர் இளமதியை நேரில் சந்தித்து பேச முயற்சி செய்தனர். ஆனால் இளமதி யாருடனும் பேச மறுத்துவிட்டார்.
இளவரசன் போன்று, செல்வனும் உயிரிழப்பார் என இளமதி மிரட்டப்பட்டாரா? அல்லது உண்மையில் அங்கு நடந்த நாடக்காதலை இளமதி புரிந்துகொண்டாரா? என பல கேள்விகள் எழுந்துள்ளது.
நாடகக்காதல் என்றால் ஏன் செல்வனை பற்றி நிதிமன்றத்தில் இளமதி கூறவில்லை. தன்னுடைய விருப்பத்தின் பேரிலேயே திருமணம் செய்யப்பட்டது எனக் கூறினார்.
திராவிடர் கழகத்தினர் மீது வழக்கு பதிவு
சாதி மறுப்பு திருமணம் என்ற பெயரில் இளமதியை கடத்தியதாக கொளத்தூர் மணி மற்றும் செல்வன் மீது காவல்துறையினர் வழக்கு பதிவு செய்துள்ளனர்.
