சியோல்: ரஷ்ய அதிபர் விளாதிமிர் புதினுக்கு இரண்டாம் உலகப்போர் வெற்றியின் 75ஆம் ஆண்டு நினைவுதினத்தை குறித்தும், கொரோனாவை ரஷ்யா சிறப்பாக கட்டுபடுத்தியதற்கு பாராட்டு தெரிவித்தும் வடகொரிய அதிபர் கிம் ஜாங்க் உன் வாழ்த்து மடல் எழுதினார்.
சீனாவிற்கும் கடிதம் எழுதிய கிம்
பியாங்கின் அதிகாரப்பூர்வ கொரியாவின் மத்திய செய்திகள் முகவரமைப்பு தெரிவிக்கையில்(Korean Central News Agency) சனிக்கிழமை சீன பிரதமர் ஜிங்க்பிங்கை கொரோனா வைரஸ் பரவலை சீனாவில் சிறப்பாக கட்டுபடுத்தியதற்காக புகழ்ந்து கடிதத்தை அதிபர் கிம் எழுதியிருந்தார் என தெரிவித்து இருந்தது.
வடகொரியா தற்போது தனது நட்பு நாடுகளுடன் நெருக்கத்தை குறிப்பாக சீனாவுடன் நெருக்கத்தை பகிர தொடங்கியுள்ளதாகவும், கொரோனா பரவலால் தனது எல்லைகளை மூடிய வடகொரியா பொருளாதார உதவிகளை பெற இதுபோன்ற இராஜாங்க நடவடிக்கைகளில் ஈடுபட்டு வருவதாகவும் தெரிகிறது.
ரஷ்யாவுக்கு வாழ்த்து கடிதம்
இதைப்பற்றி வடகொரியாவின் செய்தி அமைப்பு மேலும் தெரிவிக்கையில் “இரண்டாம் உலகப்போரில் பெற்ற வெற்றிக்கு பிறகு, ரஷ்யா அடைந்துள்ள வளர்ச்சிக்கும் மற்றும் கொரோனா பரவலை சிறப்பாக கட்டுபடுத்தியமைக்கும் தனது மனப்பூர்வமான வாழ்த்துக்களை ரஷ்ய அதிபர் மற்றும் ரஷ்ய மக்கள் அனைவருக்கும் தெரிவித்து கொள்கிறேன்” என கூறியுள்ளதாக தெரிவித்துள்ளது.
