வெறும் 12 மணி நேரத்தில் இரு வெவ்வேறு அணிகளுக்கு விளையாடி 10 விக்கெட்டுகள் எடுத்த லாசித் மலிங்கா
ஐபிஎல் என்றாலே ரசிகர்கள் அதிகம் எதிர்பார்க்கும் சென்னை மும்பை அணிகளுக்கு இடையிலான போட்டியில் நேற்று விளையாடிய லாசித் மலிங்கா தனது பங்கிற்கு 3 முக்கிய விக்கெட்டுகளை எடுத்தார்.
இறுதியில் மும்பை அணி சென்னையை எளிதாக வென்றது. போட்டி முடிந்த உடனே தனது சொந்த நாட்டில் நடக்கும் இன்டர்-புரோவிஸ்னல் ஒருநாள் தொடரில் காலே அணிக்காக விளையாடி 7 விக்கெட்டுகளை வீழ்த்தி அசத்தினார்.
உள்ளூர் ஒரு நாள் போட்டி தொடரில் அனைத்து இலங்கை வீரர்களும் கண்டிப்பாக பங்கேற்க வேண்டும் என இலங்கை கிரிக்கெட் வாரியம் தெரிவித்ததால் பெரும்பான்மையான இலங்கை வீரர்கள் ஐபிஎல் தொடரில் பங்கேற்கவில்லை.
ஐபிஎல் தொடரில் விளையாடினாலும் கட்டாயம் ஒரு நாள் போட்டி தொடரில் பங்கேற்க வேண்டும் என்றும் கூறியது. இதனால் முதல் 6 போட்டிகளில் மலிங்கா விளையாட மாட்டார் என எதிர்பார்க்கப்பட்டது.
இரண்டு போட்டிகளிலும் விளையாடலாம் என முடிவு செய்த மலிங்கா மும்பை சென்னை முடிந்த கையுடன் இலங்கை புறப்பட்டு அங்கு நடக்கும் ஒரு நாள் போட்டியில் பங்கேற்று 7 விக்கெட்டுகளை எடுத்து அசத்தினார்.
Loving the commitment and your hat, Mali 🙌🏻
In less than 12 hours, Malinga has gone from being vital in a win for us in Mumbai to leading Galle in Sri Lanka’s #SuperProvincial 50-over tournament.
Can’t wait to have you back, champ 💙#OneFamily #CricketMeriJaan #MumbaiIndians pic.twitter.com/GCDg5PQh36
— Mumbai Indians (@mipaltan) April 4, 2019
அனுபவ வீரர் மலிங்கா ஐபிஎல் தொடரில் தான் விளையாடி வரும் அணியின் தேவையையும், தனது தாய் நாட்டின் தேவையையும் ஒரே சமயத்தில் பூர்த்தி செய்துள்ளார். இதன்மூலம் வருங்கால தலைமுறை வீரர்களுக்கு ஒரு முன்னுதாரணமாக திகழ்ந்துள்ளார்.
