குழப்பமான கேம் ஆஃப் த்ரோன்ஸின் (Game of Thrones) குடும்பங்களைப் பற்றிய ஒரு பார்வை

1996ல் 66 வயதான ஜார்ஜ் ஆர்‌ஆர் மார்டின்(George RR Martin) எழுதிய சாங்க்ஸ் ஆஃப் ஐஸ் அண்ட் ஃபயர் (Songs of Ice and Fire) என்ற நாவலைத் தழுவி எடுக்கப்பட ஒரு தொடர் ஆகும்.

3000 வருடங்களுக்கு முன்னாள் இருக்கும் மிகப்பழமையான இரண்டு கண்டங்கள் மட்டுமே தொடரில் வரும். ஒன்று வெஸ்டோரோஸ் (Westeros) மற்றும் எஸ்சோஸ் (Essos) ஆகும்.

பொதுவாக கேம் ஆஃப் த்ரோன்ஸ் பார்க்கும் ஒவ்வொரு ரசிகருக்கும் இருக்கும் குழப்பம் இந்த குடும்பங்களின் எண்ணிக்கை தான். மொத்தம் 27 குடும்பங்கள் வரை தொடரில் இருக்கின்றன.

தொடரில் அதிகமாக காட்டப்படும் நைட்ஸ் வாட்ச்(Nights Watch) என்ற ராணுவமும் வைல்ட்லிங்க்ஸ்(Wildlings) என்ற பழங்குடியினரும் மற்றும் 1000 வருடங்களுக்கு முன்னாள் இறந்த ஒயிட் வால்கெர்ஸ் (White Walkers) என்ற படையும் வருகின்றனர்.

ஆனால் 9 குடும்பங்கள் மட்டுமே அதிக ஆதிக்கத்தை செலுத்தும் குடும்பமாக தொடரில் காட்டப்படும். தொடரின் கதை முழுவதுமே வெஸ்டோரோஸை நோக்கியே நகரும். அரியனைக்காக நடக்கும் ஒரு போட்டியே கேம் ஆஃப் த்ரோன்ஸ் ஆகும்.

1. ஸ்டார்க் குடும்பம் House Stark

வெஸ்டோரோஸின் வடக்கத்திய பகுதிகளை ஆளுபவர்கள் ஸ்டார்க் குடும்பத்தைச் சேர்ந்தவர்கள் ஆவார்கள்.

இந்தக் குடும்பத்தில் நெட் ஸ்டார்க், ராப் ஸ்டார்க், ஆர்யா ஸ்டார்க், சன்சா ஸ்டார்க் ஆகியோருடன் ஜான் ஸ்னோவும் முக்கிய கதாப்பாத்திரத்தில் நடித்துள்ளனர்.

2. லேனிஷ்டர் குடும்பம் House Lannister

வெஸ்டோரோஸின் மேற்க்குப் பகுதிகளை தங்கள் கையில் கொண்டுள்ளவர்கள் லன்னிஸ்டர் ஆவார்கள்.

டைரின் லன்னிஸ்டர், ஜேமீ லன்னிஸ்டர் ஆகியோர் முக்கிய கதாப்பாத்திரங்களாக நடித்துள்ளனர்.

3. தார்கேரியன் குடும்பம் House Targaryen

300 வருடங்களாக 7 அரசவைகளையும் அயர்ன் த்ரோனையும் தங்களுடைய டிராகனை வைத்து ஆட்சி செய்த குடும்பத்தினர் தார்கேரியன் ஆவார்கள்.

மேட் கிங்கின் ஆட்சியின் போது நெட் ஸ்டார்க் மற்றும் ராபர்ட் பராத்தியன் முயற்சியால் ராபர்ட் ஆட்சியைப் பிடித்தார்.

டேனேரியஸ் தார்கேரியன் முக்கியக் கதாப்பாத்திரத்தில் நடித்திருப்பார். ஜான் ஸ்னோவின் பிறப்பு தார்கேரியன் வம்சாவழியையே சேரும்.

4. பராத்தியன் குடும்பம் House Baratheon

ராபர்ட் பராத்தியன் மேட் கிங்கை தோற்கடித்து அயர்ன் த்ரோனை கைப்பற்றிய பிறகே இவர்கள் குடும்பம் வெளிச்சத்திற்கு வந்தது.

ராபர்ட் பராத்தியன், ரென்லி, ஸ்டான்னிஷ் பாராத்தியன் ஆகியோர் முக்கிய கதாப் பாத்திரங்களில் நடித்துள்ளனர்.

5. டைரேல் குடும்பம் House Tyrell

லார்ட்ஸ் ஹைகார்டனை உருவாக்கியோர் டைரல் குடும்பத்தினர் ஆவார்கள். ஓலைன்ன டைரேல், மார்கெரி டைரேல் ஆகியோர் முக்கிய கதாப்பாத்திரங்களில் நடித்துள்ளனர்.

6. டல்லி குடும்பம் House Tully

ரிவர்லண்ட்ஸ் பகுதிகளை ஆட்சி செய்யும் குடும்பம் இதுவாகும். நெட் ஸ்டார்க் மனைவி கேதலின் ஸ்டார்க் இந்தக் குடும்பத்தைச் சேர்ந்தவர். ஹாஸ்டர், எட்முரே ஆகியோர் முக்கிய கதாப்பாத்திரத்தில் நடித்துள்ளனர்.

7. மார்டெல் குடும்பம் House Martell

டோர்ன் பகுதிகளை ஆட்சி செய்யும் இவர்களின் அரண்மனை சன்ஸ்பெயர் கேசில் ஆகும். இந்தக் குடும்பத்தில் டொரன், ஒப்ரியன் ஆகியோர் முக்கியக் கதாப்பாத்திரமாகும்.

8. கிரேஜோய் குடும்பம் House Greyjoy

அயர்ன் ஐலண்ட் பகுதிகளை ஆட்சி செய்பவர்கள் கிரேஜோய் குடும்பத்தினர் ஆவார்கள். தியான், யாரோ, யூரோன் ஆகியோர் முக்கியக் கதாப்பாத்திரமாக நடித்துள்ளனர்.

9. ஆர்ரின் குடும்பம் House Arryn

ஐரி மலைப் பகுதிகளை ஆட்சி செய்யும் வேல் எனும் ஆர்ரின் குடும்பத்தினரில் லார்ட் ஜான் ஆர்ரின், லைசா ஆர்ரின் ஆகியோர் முக்கிய கதாப்பாத்திரங்களில் நடித்துள்ளனர்.