Rana Daggubati Engagement; நடந்தது நிச்சயமில்லை: அது வெறும் பூ முடித்தல் விழா: ராணாவின் தந்தை விளக்கம்! ராணாவுக்கும், மிஹீகா பஜாஜுக்கும் நிச்சயதார்த்தம் நடந்ததாக வெளியான செய்தி குறித்து ராணாவின் தந்தை விளக்கம் கொடுத்துள்ளார்.

ராணாவுக்கும், மிஹீகாவுக்கும் நிச்சயதார்த்தம் நடக்கவில்லை என்று ராணாவின் தந்தை விளக்கம் கொடுத்துள்ளார்.

தல அஜித் நடித்த ஆரம்பம் படத்தின் மூலம் தமிழ் சினிமாவில் நடிகராக அறிமுகமானவர் ராணா டகுபதி. அதன் பிறகு பாகுபலி, பாகுபலி 2 ஆகிய படங்களில் நடித்து தனது மார்க்கெட்டை உயர்த்தினார்.

இஞ்சி இடுப்பழகி, எனை நோக்கி பாயும் தோட்டா ஆகிய படங்களில் சிறப்புத் தோற்றத்தில் நடித்துள்ளார்.

தற்போது மடை திறந்து, காடன் ஆகிய படங்களில் நடித்து வருகிறார். 36 வயதாகும் ராணாவுக்கு இதுவரை திருமணம் ஆகவில்லை. இதனால் என்னவோ பல நடிகைகளுடன் கிசுகிசுக்கப்பட்ட்டது.

இந்த நிலையில், தனது காதலி யார் என்பது பற்றியும், அவரது புகைப்படத்தையும் வெளிப்படையாகவே தெரிவித்துள்ளார்.

ஹைதராபாத்தைச் சேர்ந்த மிஹீகா பஜாஜ் தான் தனது காதலி என்று அவரை அறிமுகம் செய்துள்ளார்.

அவரிடம் தனது காதலை வெளிப்படுத்தியதற்கு தற்போது ஒரு வழியாக அவரும் ஓகே சொல்லிவிட்டார் என்று தனது இன்ஸ்டாகிராம் பக்கத்தில் அவருடன் இருக்கும் புகைப்படத்தை சந்தோஷமாக பகிர்ந்துள்ளார்.

இவர்களது புகைப்படம் தான் தற்போது சமூக வலைதளங்களில் வைரலானது.

மிஹீகா பஜாஜ் ஹைதராபாத்தில் டியூ டிராப் டிசைன் ஸ்டூடியோஸ் என்ற நிறுவனத்தை நடத்தி வருகிறார்.

நிகழ்ச்சி மேலாண்மை (Event Management), ஆடை வடிவமைப்பு, பர்ஸ், ஹேண்ட்பேக் வடிவமைப்பு உள்ளிட்ட பணிகளை தனது டியூ டிராப் டிசைன் ஸ்டூடியோஸ் நிறுவனத்தின் மேலும் மேற்கொண்டு வருகிறார்.

அதோடு மாடலாகவும் இருந்து வருகிறார். சில விளம்பரங்களிலும், அட்டைப் படங்களிலும் தோன்றியுள்ளார் என்பது குறிப்பிடத்தக்கது.

இந்த நிலையில், ராணா டகுபதிக்கும், மிஹீகா பஜாஜிற்கும் மிகவும் எளிமையான முறையில் திருமணம் நடந்து முடிந்துள்ளது.

ஆம், அதற்கான புகைப்படங்களையும் ராணா இது அதிகாரப்பூர்வமானது என்று கூறி தனது டுவிட்டர், இன்ஸ்டாகிராம் பக்கத்தில் பதிவிட்டிருந்தார்.

ஆனால், உண்மையில், ராணா டகுபதிக்கும், மிஹீகா பஜாஜுக்கும் இடையில், திருமண நிச்சயதார்த்தம் நடக்கவில்லை என்று ராணாவின் தந்தை விளக்கம் கொடுத்துள்ளார். மேலும், ரோகா என்னும் பூ முடித்தல் விழா என்று அவர் கூறியுள்ளார்.

அதாவது திருமண நிச்சயதார்த்தத்திற்கு முன்னதாக பெண் வீட்டாரும், மாப்பிள்ளை வீட்டாரும் இருவரும் அமர்ந்து பேசும் ஒரு அற்புத நிகழ்வுதான் இந்த ரோகா.

நிச்சயதார்த்தம் மற்றும் திருமணம் ஆகியவற்றிகு இந்த ரோகா முக்கிய வைபோகமாக அமைகிறது.

இந்த நிகழ்ச்சியில், சமந்தா தனது கணவர் நாக சைதன்யாவுடன் கலந்து கொண்டார். மேலும், ராணாவின் சகோதரர் அபிராம் மற்றும் உறவினர் அர்ஜூன் மற்றும் மிஹீகா பஜாஜின் உறவினர்கள் ஆகியோர் மட்டுமே கலந்து கொண்டுள்ளனர் என்பது குறிப்பிடத்தக்கது.

அண்மையில், ராணாவின் திருமணத்தை இந்த வருடமே நடத்த திட்டமிட்டுள்ளதாகவும், அதுவும் டிசம்பர் மாதத்தில் நடத்துவது பற்றியும் யோசித்து வருவதாகவும் ராணாவின் தந்தை சுரேஷ் பாபு கூறியிருந்தார் என்பது குறிப்பிடத்தக்கது.