முதல் முறையாக பிரபாஸ் உடன் இணைந்த தீபிகா படுகோனே!

Prabhas21; முதல் முறையாக பிரபாஸ் உடன் இணைந்த தீபிகா படுகோனே! பிரபாஸ் நடிக்கும் புதிய படத்தில் அவருக்கு ஜோடியாக நடிக்க பாலிவுட் நடிகை தீபிகா படுகோனே ஒப்பந்தம் செய்யப்பட்டுள்ளார்.

பாலிவுட் நடிகை தீபிகா படுகோனே முதல் முறையாக பிரபாஸ் நடிக்கும் புதிய படத்தின் மூலம் தெலுங்கு சினிமாவில் அறிமுகமாகிறார்.

பாகுபலி படத்தின் மூலம் உலகம் முழுவதும் பிரபலமானவர் நடிகை பிரபாஸ். கடைசியாக இவரது நடிப்பில் சாஹோ படம் வெளியானது.

ஆக்‌ஷன் த்ரில்லர் கதையை மையப்படுத்திய இந்தப் படம் ஓரளவு நல்ல வரவேற்பு பெற்றது.

தற்போது, பிரபாஸ்20 ஆவது படமான ராதே ஷ்யாம் என்ற படத்தில் நடித்து வருகிறார். இந்தப் படத்தை இயக்குநர் கே கே ராதா கிருஷ்ணா இயக்குகிறார்.

இந்த நிலையில், இந்தப் படத்தைத் தொடர்ந்து பிரபாஸ் நடிக்கும் 21 ஆவது படம் குறித்து முக்கியமான அறிவிப்பு வெளியாகியுள்ளது.

அதன்படி, கீர்த்தி சுரேஷின் மஹாநடி படத்தை இயக்கிய இயக்குநர் நாக் அஷ்வின் இந்தப் படத்தை இயக்குகிறார்.

இன்னும் டைட்டில் வைக்கப்படாத இந்தப் படத்தில் பிரபாஸ்க்கு ஜோடியாக பாலிவுட் நடிகை தீபிகா படுகோனே ஒப்பந்தம் செய்யப்பட்டுள்ளார்.

இந்தப் படத்தின் மூலம் தீபிகா படுகோனே முதல் முறையாக தெலுங்கு சினிமாவில் அறிமுகமாகிறார் என்பது குறிப்பிடத்தக்கது.

இது குறித்து இயக்குநர் நாக் அஷ்வின் கூறுகையில், தீபிகா படுகோனே உடன் இணைந்து பணியாற்றுவதில் ஆர்வமாகவும், மகிழ்ச்சியாகவும் இருக்கிறது.

சவாலான ரோலில் நடிப்பதற்கு வலிமையான திரை அனுபவம் வாய்ந்த ஒரு நடிகை தேவைப்பட்டது. அதற்கு தீபிகா படுகோனே தான் சரியான தேர்வாக இருந்தது.

இந்தப் படத்திற்காக தீபிகா படுகோனேவை அணுகிய போது, கதை பிடித்துப் போக உடனே படத்தில் நடிப்பதற்கு ஒப்புக் கொண்டார்.

அவர்  படத்தில் நடிப்பது எங்களுக்கு பெருமையாக இருக்கிறது என்று அவர் குறிப்பிட்டுள்ளார் என்பது குறிப்பிடத்தக்கது.

மூன்றாம் உலகப் போரின் பின்னணியில் அமைக்கப்பட்ட முதல் வகையான அறிவியல் நாடகக் கதை. இந்தக் கதையை கேட்ட பிறகே தீபிகா படுகோனே சம்மதம் தெரிவித்துள்ளார்.

பிரபாஸ் மற்றும் தீபிகா ஜோடி தான் படத்திற்கு பக்க பலமாக இருக்கும். இனி வரும் காலங்களில் இந்த ஜோடி தான் சினிமா வரலாற்றில் சிறந்த ஜோடியாக இருக்கும் என்று இயக்குநர் குறிப்பிட்டுள்ளார்.

அதோடு, ஹிந்தி உள்பட தென்னிந்திய மொழிகளில் இந்தப் படத்தை வெளியிட திட்டமிட்டுள்ளதாக தெரிவித்துள்ளார்.

இந்தப் படத்தை வையெந்தி மூவிஸ் நிறுவனம் தயாரிக்கிறது. இயக்குநர் நாக் அஷ்வினின் மனைவி ப்ரியங்கா தத் தான் வைஜெயந்தி மூவிஸ் நிறுவனர் அஸ்வினி தத்தின் மகள்.

இவர்கள் தான் ‘மஹாநடி’ படத்தையும் தயாரித்திருந்தனர் என்பது குறிப்பிடத்தக்கது.