Lakshmi Menon Dance Video; ஆடும் போது வழுக்கி விழுந்த லட்சுமி மேனன்: வைரலாகும் வீடியோ! நடிகை லட்சுமி மேனன் ஆடும் போது கால் வழுக்கி கீழே விழுந்த வீடியோ ஒன்று சமூக வலைதளங்களில் வேகமாக வைரலாகி வருகிறது.
லட்சுமி மேனன் வழுக்கி விழுந்த வீடியோ ஒன்று சமூக வலைதளங்களில் வைரலாகி வருகிறது.
சசிகுமார் நடிப்பில் வந்த சுந்தரபாண்டியன் படத்தின் மூலம் தமிழ் ரசிகர்களை கவர்ந்தவர் நடிகை லட்சுமி மேனன். இதே போன்று கும்கி படத்திலும் தனது நடிப்புத் திறமையை வெளிப்படுத்தினார்.
சுந்தரபாண்டியன் படத்திற்கு சிறந்த அறிமுக நடிகைக்கான பிலிம்பேர் விருது கிடைத்தது. தொடர்ந்து குட்டி புலி, பாண்டியநாடு, மஞ்சப்பை, ஜிகர்தண்டா, கொம்பன், றெக்க, மிருதன் ஆகிய படங்களில் நடித்துள்ளார்.
தல அஜித் நடித்த வேதாளம் படத்தில் அவருக்கு தங்கையாக நடித்து தல ரசிகர்களின் மனதில் நீங்கா இடம் பிடித்தார். தற்போது சிப்பாய், யங் மங் சங் மற்றும் கௌதம் கார்த்திக் படம் ஆகியவற்றில் நடித்து வருகிறார்.
தற்போது நாடு முழுவதும் தாக்கத்தை ஏற்படுத்திய கொரோனா வைரஸ் காரணமாக படப்பிடிப்பு நிறுத்தப்பட்டுள்ளது. தமிழகம் முழுவதும் 6ஆவது கட்ட லாக்டவுன் நடைமுறையில் இருக்கிறது. வரும் 31 ஆம் தேதி வரையில் இந்த ஊரடங்கு உத்தரவு நீட்டிக்கப்பட்டுள்ளது.
லாக்டவுன் காரணமாக அனைவருமே வீட்டிலேயே இருக்கும் நிலை ஏற்பட்டுள்ளது. அந்த வகையில், வீட்டிலேயே இருக்கும் லட்சுமி மேனன் டான்ஸ் ஆடும் வீடியோ ஒன்றை தனது சமூக வலைதள பக்கத்தில் பதிவிட்டுள்ளார்.
அப்போது, திடீரென்று கால் தவறி கீழே விழுந்தார். நன்றாக டான்ஸ் ஆடிக் கொண்டிருந்த போது தரையில் தண்ணீர் இருந்ததை கவனிக்காமல் தவறி விழுந்ததாக குறிப்பிட்டுள்ளார்.
