Teddy Teaser; ஆர்யா, சாயிஷா ஆகியோரது நடிப்பில் உருவாகியுள்ள டெடி படத்தின் டீசர் தற்போது வெளியாகியுள்ளது.
ஆர்யா – சாயிஷாவின் முதலாவது திருமண (Arya Sayyeshaa First Wedding Anniversary) நாளுக்கு ட்ரீட் கொடுக்கும் வகையில், டெடி டீசர் வெளியாகி வைரலாகி வருகிறது.
இயக்குநர் சக்தி சௌந்தர்ராஜன் இயக்கத்தில் ஆர்யா, சாயிஷா ஆகியோர் முன்னணி ரோலில் நடித்துள்ள படம் டெடி.
திருமணத்திற்குப் பிறகு ஆர்யா – சாயிஷா (Arya Sayyeshaa) இருவரும் முதல் முறையாக இந்தப் படத்தில் ஜோடியாக நடித்துள்ளனர்.
ஏற்கனவே டெடி படத்தின் ஃபர்ஸ்ட் லுக் (Teddy First Look) போஸ்டர் வெளியாகி நல்ல வரவேற்பு பெற்ற நிலையில், தற்போது டெடி டீசர் வெளியாகியுள்ளது.
ஆர்யா – சாயிஷா தம்பதியினர் இன்று தங்களது முதலாவது திருமண நாளை சிறப்பாக கொண்டாடுகின்றனர். அவர்களுக்கு திருமண நாள் ட்ரீட் கொடுக்கும் வகையில், டெடி டீசர் (Teddy Teaser) வெளியிடப்பட்டுள்ளது.
டெடி டீசர் (Teddy Teaser)
இந்த டீசரில் ஆர்யா ஆக்ஷன் அவதாரம் எடுத்துள்ளார். முதலில் சுவிட்சர்லாந்து வாட்ச் மற்றும் லோக்கல் வாட்ச் ஒப்பீடு நடக்கிறது. அதன் பிறகு ஆர்யா வீட்டிற்கு டெடி பியர் வருகிறது. இதைப் பார்த்து கருணாகரன் அதிர்ச்சியடைகிறார்.
ஆனால், அது சாயிஷாவாக இருக்குமோ என்று நமக்கு கேள்வி எழுகிறது. ஏனென்றால், டெடி பியர் ஆர்யாவிடம் பேசும் விதம் அப்படித்தான் தோன்றுகிறது.
இந்தியாவில் இருந்து கடத்தப்படும் பெண்களை மீட்கும் பணியில் ஆர்யா ஈடுபட்டு வருகிறார்.
இடையில் ஒரு காட்சியில் ஆர்யா – சாயிஷா ரொமான்ஸ் காட்சி. இறுதியில், டெடி பியர் உயரத்தில் இருந்து குதிக்கிறது. அப்படியே டெடி டீசர் முடிகிறது.
இப்படம் குறித்து சக்தி சௌந்தர்ராஜன் கூறியிருப்பதாவது: இந்தப் படத்தில் டெடி பியர் அதிக முக்கியத்துவம் வாய்ந்த ஒரு கதாபாத்திரம். கம்ப்யூட்டர் கிராபிக்ஸ் மூலமாகவே டெடி பியர் கதாபாத்திரம் உருவாக்கப்பட்டுள்ளது.
டெடி பியர் சண்டையிடும் ஒரு கதாபாத்திரமாக நாங்கள் உருவாக்கியிருக்கிறோம். ஆதால், இந்தப் படத்தின் மூலம் டெடி பியர் அதிகளவில் ரசிகர்களிடையே தாக்கத்தை ஏற்படுத்தும் என்று எதிர்பார்க்கப்படுகிறது.
இந்த புதிய முயற்சிக்கு நல்ல வரவேற்பு கிடைக்கும் என்று அவர் தெரிவித்துள்ளார்.
இதற்கு முன்னதாக இப்படத்தில் இடம்பெற்றுள்ள என் இனிய தனிமையே பாடல் லிரிக் வீடியோ வெளியாகி சமூக வலைதளங்களில் வைரலானது என்பது குறிப்பிடத்தக்கது.
