Naan Un Joshua Video Song; எங்கு போனாலும் கூட்டி செல்வாயா? நான் உன் ஜோஷுவா பாடல் வீடியோ வெளியீடு! நடிகர் வருண் நடிப்பில் உருவாகி வரும் ஜோஷுவா இமை போல் காக்க படத்தில் 2ஆவது சிங்கிள் நான் உன் ஜோஷுவா பாடலின் வீடியோ வெளியாகி சமூக வலைதளங்களில் வைரலாகி வருகிறது.
நான் உன் ஜோஷுவா பாடலின் வீடியோ வெளியாகி சமூக வலைதளங்களில் வைரலாகி வருகிறது.
தமிழ் சினிமாவில் வளர்ந்து வரும் நடிகர்களில் ஒருவராக இருப்பவர் வருண். இவர், தயாரிப்பாளர் ஐசனி கணேஷின் மருமகன் என்பது குறிப்பிடத்தக்கது.
தளபதி விஜய் நடிப்பில் வந்த தலைவா படத்தின் துணை இயக்குநராக பணியாற்றியுள்ளார். மேலும், தலைவா படத்தில் விஜய்க்கு நண்பனாகவும் நடித்துள்ளார்.
இந்தப் படத்தைத் தவிர, ஒரு நாள் இரவில், போகன், வனமகன், நெருப்புடா, சம்டைம்ஸ், எல்.கே.ஜி, பப்பி, கோமாளி, சீறு ஆகிய படங்களில் நடித்துள்ளார். பப்பி படத்தில் ஹீரோவாக நடித்துள்ளார்.
தற்போது இயக்குநர் கௌதம் மேனன் இயக்கத்தில் உருவாகி வரும் ஜோஷுவா இமை போல் காக்க என்ற படத்திலும் வருண் ஹீரோவாக நடித்து வருகிறார்.
ஆக்ஷன் த்ரில்லர் கதையில் உருவாகும் இந்தப் படத்தில் வருணுக்கு ஜோடியாக புதுமுக நடிகை ராஹீ ஹீரோயினாக அறிமுகமாகிறார்.
கௌதம் மேனனின் சொந்த தயாரிப்பு நிறுவனமான ஒன்றாக எண்டர்டைன்மெண்ட் என்ற நிறுவனத்தின் பேனரில் தயாரிக்கத் தொடங்கினார்.
தற்போது இந்தப் படத்தை வேல்ஸ் பிலிம்ஸ் இண்டர்நேஷனல் நிறுவனத்தின் மூலம் ஐசரி கணேஷ் வெளியிடுகிறார்.
கார்த்திக் இந்தப் படத்திற்கு இசையமைக்கிறார். இந்த நிலையில், ஜோஷுவா இமை போல் காக்க படத்தின் 2 ஆவது சிங்கிள் நான் உன் ஜோஷுவா பாடல் வீடியோ இன்று காலை 11 மணிக்கு வெளியாகும் என்று அறிவிக்கப்பட்டது.
அதன்படி, நான் உன் ஜோஷுவா பாடல் வீடியோ வெளியாகி சமூக வலைதளங்களில் வைரலாகி வருகிறது. விக்னேஷ் சிவன் இந்தப் பாடலுக்கு வரிகள் அமைத்துக் கொடுத்துள்ளார். கார்த்திக் இந்தப் பாடலை பாடியுள்ளார்.
கௌதம் மேனனின் படத்தில் பாடலுக்கு ஒன்றும் குறைவிருக்காது. அதோடு, பாடலும் ஹிட் கொடுக்கும்.
அந்த வகையில், நான் உன் ஜோஷுவா பாடலில் ரொமான்ஸ், ஆக்ஷன் காட்சிகள் ஆகியவை இடம் பெற்றுள்ளது.
தற்போது இந்தப் பாடல் வெளியாகி சமூக வலைதளங்களில் வைரலாகி வருகிறது. கடந்த பிப்ரவரி மாதம் காதலர் தினத்தை முன்னிட்டு இந்தப் படம் வெளியாக இருந்தது. ஆனால், இதுவரை வெளியாகவில்லை.
வரும் 2021 ஆம் ஆண்டு காதலர் தினத்தை முன்னிட்டு இந்தப் படம் திரைக்கு வரும் என்று எதிர்பார்க்கப்படுகிறது.
ஜோஷுவா படத்தின் நான் உன் ஜோஷுவா பாடல் வீடியோ வெளியாகியுள்ள நிலையில், #JOSHUA என்ற டுவிட்டர் ஹேஷ்டேக் டிரெண்டாகி வருகிறது.
