This Week Movie Release List; இந்த வாரம் திரைக்கு வரும் 6 படங்கள்! March 6th Release Movies
Tamil Cinema, இந்த வாரம் வரும் 6 ஆம் தேதி 6 படங்கள் வெளியாகிறது. தமிழ் சினிமாவில் ஒவ்வொரு வாரமும் குறைந்தது 5 படங்கள் திரைக்கு வருகிறது.
அந்த வகையில் இந்த வாரம், வெல்வெட் நகரம், ஜிப்ஸி, பொன் மாணிக்கவேல், எட்டுத்திக்கும் பற, இந்த நிலை மாறும், காலேஜ் குமார், ஈவர் கரவாது ஆகிய படங்கள் வெளியாகிறது.
ஒவ்வொரு ஆண்டும் தமிழ் சினிமாவில் குறைந்தது 200க்கும் அதிகமான படங்கள் திரைக்கு வருகிறது. மாதந்தோறும் 15க்கும் மேற்பட்ட படங்கள் வந்து கொண்டே இருக்கிறது.
இதில், சிறிய பட்ஜெட் படங்கள் முதல் பெரிய பட்ஜெட் படங்கள் வரை கிட்டத்தட்ட 5க்கும் மேற்பட்ட படங்கள் வாரந்தோறும் திரைக்கு வருகிறது.
Upcoming Movies 2020 அந்த வகையில், வரும் 6 ஆம் தேதி வரலட்சுமி சரத்குமார், ஜீவா, சமுத்திக்கனி, பிரபு தேவா, பிரபு ஆகியோர் நடித்த படங்கள் திரைக்கு வருகிறது.
This Week Movie Release List
வெல்வெட் நகரம் Velvet Nagaram
அறிமுக இயக்குநர் மனோஜ் இயக்கத்தில், வரலட்சுமி சரத்குமார் நடிப்பில் உருவாகியுள்ள படம் வெல்வெட் நகரம்.
வரலட்சுமி சரத்குமார் பத்திரிக்கையாளராக நடித்துள்ளார். ஹீரோயினை மையப்படுத்தி இந்த படம் சைக்லாஜிக்கல் த்ரில்லர் கதையை சித்தரிக்கும் விதமாக உருவாக்கப்பட்டுள்ளது.
கடந்த சில ஆண்டுகளுக்கு முன்பு கொடைக்கானலில் நடந்த சில உண்மை சம்பவங்களை அடிப்படையாகக் கொண்டு இந்தப் படம் எடுக்கப்பட்டுள்ளது.
மேக்கர்ஸ் ஸ்டூடியோ நிறுவனத்தின் மூலம் அருண் கார்த்திக் இந்தப் படத்தை தயாரித்துள்ளார். கோலி சோடா 2 புகழ் அச்சு ராஜாமணி இசையமைத்துள்ளார்.
இந்தப் படத்தில் வரலட்சுமி சரத்குமாருடன் இணைந்து ரமேஷ் திலக், நடிகை கஸ்தூரி, மாளவிகா சுந்தர், பிரகாஷ் ராகவன் ஆகியோர் பலர் நடித்துள்ளனர்.
வரும் 6 ஆம் தேதி திரைக்கு வரவுள்ள நிலையில், வெல்வெட் நகரம் Velvet Nagaram படத்தின் ஸ்னீக் பீக் வீடியோ வெளியாகி சமூக வலைதளங்களில் வைரலாகி வருகிறது. RajaParvai Trailer
ஜிப்ஸி Gypsy
ஜோக்கர் மற்றும் குக்கூ ஆகிய படங்களைத் தொடர்ந்து இயக்குநர் ராஜூ முருகன் இயக்கத்தில் உருவாகியுள்ள 3 ஆவது அழகான படைப்பு ஜிப்ஸி.
ஜீவா, நடாஷா சிங் ஆகியோர் முன்னணி ரோலில் நடித்துள்ளனர். ரொமாண்டிக் கலந்த காதல் கதையை மையப்படுத்தி இப்படம் உருவாக்கப்பட்டுள்ளது.
வரும் 6-ஆம் தேதி இந்தப் படம் திரைக்கு வரும் நிலையில், அண்மையில் இப்படத்தின் டீசர் வெளியாகியது.
இந்த டீசர் முழுக்க முழுக்க வன்முறை, அரசியல், காதல் காட்சிகள் ஆகியவற்றை உள்ளடக்கியிருந்தது.
Gypsy இதையடுத்து, ஜிப்ஸி படத்தின் நீக்கப்பட்ட காட்சிகளை Gypsy Sneak Peek படக்குழுவினர் வெளியிட்டனர். இதற்கு ரசிகர்களிடையே நல்ல வரவேற்பு கிடைத்தது.
படத்தின் சிறப்புக் காட்சியை நேரில் பார்த்த திமுக தலைவர் மு.க.ஸ்டாலின் படக்குழுவினருக்கு பாராட்டு தெரிவித்துள்ளார்.
மேலும், சரியான நேரத்தில் சரியான படம் என்று சுட்டிக்காட்டியுள்ளார்.
முகில் செல்லப்பன் இயக்கத்தில் பிரபு தேவா, நிவேதா பெத்துராஜ் ஆகியோர் முன்னணி ரோலில் நடித்துள்ள படம் பொன் மாணிக்கவேல்.
ஆக்ஷன் த்ரில்லர் கதையை மையப்படுத்திய இந்தப் படத்தில் பிரபு தேவா முதல் முறையாக போலீஸ் அதிகாரியாக நடித்துள்ளார்.
மேலும், இது பிரபு தேவாவின் 50 ஆவது படம். அதனால், இந்த படத்தின் மீது அதிக எதிர்பார்ப்பு ஏற்பட்டுள்ளது. இமான் இந்தப் படத்திற்கு இசையமைத்துள்ளார்.
காலேஜ் குமார்
இயக்குநர் ஹரி சந்தோஷ் இயக்கத்தில் பிரபு, மதுபாலா, ராகுல் விஜய், பிரியா ஆகியோரது நடிப்பில் உருவாகியுள்ள ரொமாண்டிக் டிராமா காலேஜ் குமார்.
கன்னடத்தில் வெளியான காலேஜ் குமாரா என்ற படத்தின் தமிழ் ரீமேக்காக இப்படம் வெளியாக இருக்கிறது.
எட்டுத்திக்கும் பற
கீரா இயக்கத்தில் சமுத்திரக்கனி, முனீஷ்காந்த், சாந்தினி ஆகியோர் பலர் நடிப்பில் உருவாகியுள்ள படம் எட்டுத்திக்கும் பற.
முற்றிலும் சாதி வெறிக்கு எதிரான படம். ஆணவக் கொலையின் கொடூரத்தை இந்தப் படம் எடுத்துரைக்கிறது. அதோடு, அதற்குரிய தீர்வையும் இந்தப் படம் தெளிவாக விளக்கியுள்ளது.
ஒருவரது காதலை வைத்து எப்படி அரசியல் செய்கிறார்கள் என்பதை இந்தப் படம் சித்தரித்துள்ளது.
