Rajinikanth; டிஸ்கவரி சேனலில் புதிய சாதனை படைத்த ரஜினிகாந்த்! ரஜினிகாந்த் நடித்த இண்டு தி வைல்ட் வித் பியர் கிரில்ஸ் நிகழ்ச்சி 1.2 கோடி மக்களால் பார்த்து ரசிக்கப்பட்டுள்ளது.
ரஜினிகாந்த் நடித்த இண்டு தி வைல்ட் வித் பியர் கிரில்ஸ் நிகழ்ச்சி 1.2 கோடி மக்களால் பார்த்து ரசிக்கப்பட்டுள்ளது.
தமிழ் சினிமாவின் உச்சநட்சத்திரமாக இருப்பவர் ரஜினிகாந்த். நூற்றுக்கும் மேற்பட்ட படங்களில் நடித்துள்ளார்.
சினிமாவில் நடிப்பதைத் தொடர்ந்து, தொலைக்காட்சியிலும் கால் பதித்துள்ளார். அண்மையில் பியர் கிரில்ஸூடன் இணைந்து இன்டு தி வைல்ட் நிகழ்ச்சியின் மூலம் தொலைக்காட்சியில் அறிமுகமானார்.
கடந்த மார்ச் 23 ஆம் தேதி மாலை 8.30 மணிக்கு டிஸ்கவரி சேனலில் ஒளிபரப்பு செய்யப்பட்டது.
டிஸ்கவரி சேனலில் ஒளிபரப்பு செய்யப்பட்ட இண்டு தி வைல்டு வித் பியர் கிரில்ஸ் நிகழ்ச்சி மிகப்பெரிய டிஆர்பி ரேட்டிங்கில் முன்னிலை பெற்றுள்ளது.
இதுவரை 1.2 கோடி மக்களால் பார்த்து ரசிக்கப்பட்டுள்ளது. இதற்கு முந்தைய எபிசோடுகளுடன் ஒப்பிடுகையில் இந்நிகழ்ச்சியை பார்க்கும் பார்வையாளர்களின் விகிதம் 86 சதவிகிதம் அதிகரித்துள்ளது.
ரஜினிகாந்த் நடித்த இந்நிகழ்ச்சியின் மூலம் பார்வையாளர்களின் எண்ணிக்கையும் 5 மடங்கு அதிகரித்துள்ளது என்பது குறிப்பிடத்தக்கது.
