Master Kutti Story Lyric; லைக்ஸ் அள்ளிய தளபதி விஜய்யின் குட்டி ஸ்டோரி! மாஸ்டர் படத்தின் குட்டி ஸ்டோரி பாடல் யூடியூப்பில் 1.6 மில்லியன் லைக்ஸ் பெற்றுள்ளது.

தளபதி விஜய்யின் குட்டி ஸ்டோரி பாடல் யூடியூப்பில் 1.6 மில்லியன் லைக்ஸ் பெற்றுள்ளது.

பிகில் படத்திற்குப் பிறகு விஜய் நடித்துள்ள புதிய படம் மாஸ்டர். பொதுவாக விஜய் படம் என்றால் ரிலீஸ் ஆகும் போதுதான் பிரச்சனையில் சிக்கும்.

ஆனால், இங்கு படப்பிடிப்பின் போதே பல பிரச்சனைகளை சந்தித்தது மாஸ்டர். அதையும் தாண்டி ரசிகர்களின் பேராதரவுடன் திரைக்கு வர தயாராகியுள்ளது.

வரும் ஏப்ரல் 9 ஆம் தேதி வெளியாகும் என்று அறிவிக்கப்பட்டது. தற்போது கொரோனா காரணமாக மாஸ்டர் ரிலிஸ் தேதி குறித்து அறிவிப்பு வரவில்லை.

எனினும் மே 1 ஆம் தேதி மாஸ்டர் ரிலீஸ் என்று புதிய போஸ்டர் ஒன்று சமூக வலைதளங்களில் வைரலாகி வருகிறது. ஆனால், எந்தவித அதிகாரப்பூர்வ அறிவிப்பு இதுவரை வெளிவரவில்லை.

இந்த நிலையில், மாஸ்டர் படத்தில் இடம்பெற்றுள்ள குட்டி ஸ்டோரி பாடல் யூடியூப்பில் மட்டும் 1.6 மில்லியன் லைக்ஸ் அள்ளியுள்ளது.

காதலர் தினத்தை முன்னிட்டு வெளியான குட்டி ஸ்டோரி லிரிக் வீடியோ யூடியூப்பில் 43 மில்லியன் பார்வையாளர்களையும் கடந்து 1.6 மில்லியன் லைக்ஸ் பெற்றுள்ளது. அதோடு ஒரு லட்சம் டிஸ்லைக்குகளையும் குட்டி ஸ்டோரி பாடல் லிரிக் வீடியோ பெற்றுள்ளது என்பது குறிப்பிடத்தக்கது.

மாஸ்டர் படத்தில் இடம்பெற்றுள்ள 12 பாடல்களில் ஏற்கனவே 8 பாடல்கள் வெளியாகியுள்ளது. ஒவ்வொரு பாடலும் ரசிகர்களிடையே நல்ல வரவேற்பு பெற்று வருகிறது.

இவ்வளவு ஏன், வாத்தி கம்மிங் பாடல், சினிமா பிரபலங்களிடையே டான்ஸ் சேலஞ்ச்சையே உருவாக்கியுள்ளது. ஒவ்வொருவரும் வாத்தி கம்மிங் பாடலுக்கு டான்ஸ் சேலஞ்ச் செய்து சமூக வலைதளங்களில் பதிவிட்டனர்.

Master New Release Date; மாஸ்டர் நியூ ரிலீஸ் தேதியுடன் வைரலான புதிய போஸ்டர்! விஜய் நடிப்பில் உருவாகியுள்ள மாஸ்டர் படத்தின் நியூ ரிலீஸ் தேதியுடன் கூடிய புதிய போஸ்டர் ஒன்று சமூக வலைதளங்களில் வைரலாகி வருகிறது.

மாஸ்டர் நியூ ரிலீஸ் தேதியுடன் கூடிய புதிய போஸ்டர் சமூக வலைதளங்களில் வைரலாகிறது.

மாஸ்டர் படம் வரும் ஏப்ரல் 9 ஆம் தேதி வெளியாகும் என்று ஏற்கனவே அறிவிக்கப்பட்டிருந்தது. அதற்கான அனைத்து வேலைகளும் விறுவிறுப்பாக நடந்து வந்தது.

இந்த நிலையில், உலகத்தையே அச்சுறுத்திய கொரோனா இந்தியாவையும் விட்டு வைக்கவில்லை. இந்தியாவில் மட்டும் இதுவரை 56 பேர் உயிரிழந்துள்ளனர்.

கொரோனா காரணமாக சினிமா படப்பிடிப்புகள் ரத்து செய்யப்பட்டுள்ளது. திரையரங்குகளும் மூடப்பட்டுள்ளன.

மேலும், வரும் ஏப்ரல் 14  ஆம் தேதி வரையில் 21 நாட்களுக்கு ஊரடங்கு உத்தரவு பிறப்பிக்கப்பட்டுள்ளது.

இதன் காரணமாக சிறிய பட்ஜெட் படங்கள் முதல் பெரிய பட்ஜெட் படங்கள் வரை அனைத்து படங்களின் ரிலீஸ் பாதிக்கப்பட்டுள்ளது. இதில், தளபதி விஜய்யின் மாஸ்டர் படமும் ஒன்று.

ஆம், மாஸ்டர் இசை வெளியீட்டு விழாவைத் தொடர்ந்து மாஸ்டர் டிரைலர் 22 ஆம் தேதி வெளியாக இருந்தது. ஆனால், கொரோனா காரணமாக அன்று ஒருநாள் ஊரடங்கு உத்தரவு பிறப்பிக்கப்பட்டது.

இதையடுத்து, தற்போது சமூக விலகல் எனப்படும் ஊரடங்கு உத்தரவு நடைமுறையில் இருக்கிறது.

இதன் விளைவாக மாஸ்டர் படம் அறிவித்தபடி வெளியாவதில் சிக்கல் ஏற்பட்டுள்ளது. இதையடுத்து, மாஸ்டர் படம் வரும் மே மாதம் வெளியாகும் என்று எதிர்பார்க்கப்பட்டது.

இந்த நிலையில், மாஸ்டர் படத்தின் டைட்டில் போஸ்டர் உடன் கூடிய மாஸ்டர் புதிய ரிலீஸ் தேதியும் வைரலாகி வருகிறது. ஆம், வரும் மே 1 ஆம் தேதி மாஸ்டர் படம் வெளியாகும் என்று அதில், தெரிவிக்கப்பட்டுள்ளது.

ஆனால், இந்த புதிய ரிலீஸ் தேதி அதிகாரப்பூர்வமாக அறிவிக்கப்பட்டதா? இல்லை ரசிகர்கள் இது போன்று செய்துள்ளனரா? என்பது கேள்விக்குறியாகியுள்ளது.

எனினும், மாஸ்டர் புதிய ரிலீஸ் தேதி சமூக வலைதளங்களில் வைரலாகிறது. அதோடு, மே 1 என்பது தொழிலாளர்கள் தினம். அதோடு, தல அஜித்தின் 49ஆவது பிறந்தநாள். ஆகையால், அவரது பிறந்தநாளை முன்னிட்டு மாஸ்டர் படம் திரைக்கு வருகிறது.

இதற்கு முன்னதாக மாஸ்டர் இசை வெளியீட்டு விழாவில் நண்பர் அஜித் மாதிரி உடை அணிந்து வரலாம் என்றுதான் நான் கோட் சூட் அணிந்து வந்தேன் என்று விஜய் கூறியிருந்தார் என்பது இங்கு குறிப்பிட வேண்டிய ஒன்று.

ஏ.ஆர்.ரஹ்மான் அறிமுகம் செய்த ஹரிஹரன் பர்த்டே டுடே! கேரளா மாநிலம் திருவனந்தபுரத்தில் பிறந்த பின்னணி பாடகர் ஹரிஹரன் இன்று தனது 65ஆவது பிறந்தநாளை கொண்டாடுகிறார்.

பின்னணி பாடகர் ஹரிஹரன் இன்று தனது 65ஆவது பிறந்தநாளை கொண்டாடுகிறார்.

கடந்த 1955 ஆம் ஆண்டு ஏப்ரல் 3 ஆம் தேதி கேரளா மாநிலம், திருவனந்தபுரத்தில் பிறந்தவர் பின்னணி பாடகர் ஹரிஹரன். தமிழ், தெலுங்கு, மலையாளம், இந்தி, மராத்தி ஆகிய மொழிகளில் ஏராளமான பாடல்களைப் பாடியுள்ளார்.

கடந்த 1992 ஆம் ஆண்டு ஏ.ஆர்.ரஹ்மான் மூலம் சினிமாவில் அறிமுகமானார். இவர் ரோஜா என்ற படத்தில் தமிழா தமிழா நாளை என்ற பாடல் பாடினார்.

ரோஜா படம் ஏ. ஆர். ரகுமானுக்கும் அறிமுகப் படம் என்பது குறிப்பிடத்தக்கது.

கசல் பாடல்களைப் பாடுவதில் தேர்ச்சி பெற்ற ஹரிஹரன், கலோனியல் கசினிஸ் என்ற இசைக் குழுவின் உறுப்பினர். கடந்த 2004 ஆம் ஆண்டு பத்ம ஸ்ரீ விருதும், 2 முறை தேசிய விருதும் பெற்றுள்ளார்.

ஹரிஹரன் வென்னிலவே வென்னிலவே, முதல் மழை, பாடல், குறுக்கு சிறுத்தவலே, உதயா உதயா, சொல்லாமல் தொட்டுச் செல்லும் தென்றல் என்று எத்தனையோ பாடல்களை பாடியுள்ளார்.

இந்த நிலையில், இன்று தனது 65 ஆவது பிறந்தநாளை கொண்டாடுகிறார். சினிமா பிரபலங்கள் பலரும் ஹரிஹரனுக்கு பிறந்தநாள் வாழ்த்து தெரிவித்து வருகின்றனர். அவர்களுடன் இணைந்து மிஸ்டர் புயல் நியூஸ் வெப்சைட் மூலம் நாமும் வாழ்த்து தெரிவித்துக் கொள்வோம்.

ஹேப்பி பர்த்டே ஹரிஹரன் சார்….

Jaya Prada Birthday; ரஜினி, கமல் உடன் ஜோடி சேர்ந்த நடிகை ஜெயபிரதா பர்த்டே டுடே! ரஜினிகாந்த், கமல் ஹாசன் உடன் இணைந்து நடித்த நடிகை ஜெயபிரதா இன்று தனது 58ஆவது பிறந்தநாளை கொண்டாடுகிறார்.

நடிகை ஜெயபிரதா இன்று தனது பிறந்தநாளை கொண்டாடுகிறார்.

ஆந்திரா மாநிலம் ராஜமுந்திரியில் கடந்த 1962 ஆம் ஆண்டு ஏப்ரல் 3 ஆம் தேதி பிறந்தவர் நடிகை ஜெயபிரதா. இவர் தமிழ், தெலுங்கு, கன்னடம், ஹிந்தி ஆகிய மொழிகளில் ஏராளமான படங்களில் நடித்துள்ளார்.

தமிழ் சினிமாவில், கே பாலசந்தர் இயக்கத்தில் கமல் ஹாசன் நடிப்பில் திரைக்கு வந்த மன்மத லீலை படத்தின் மூலம் அறிமுகமானார்.

இந்தப் படத்திற்கு கிடைத்த வரவேற்பைத் தொடர்ந்து மன்மத லீலை படம் ஹிந்தி மற்றும் தெலுங்கு சினிமாவில் டப் செய்யப்பட்டது.

இப்படத்தைத் தொடர்ந்து கமல் ஹாசன், ரஜினிகாந்த் நடிப்பில் வந்த நினைத்தாலே இனிக்கும் படத்தில் நடித்தார். மேலும், 47 நாட்கள், சலங்கை ஒலி, ஏழை ஜாதி, தசவதாரம், கேணி ஆகிய தமிழ் படங்களில் நடித்துள்ளார்.

கடந்த 1994 ஆம் ஆண்டு தெலுங்கு தேச கட்சியில் இருந்த ஜெயபிரதா அந்தக் கட்சியிலிருந்து விலகி சமாஜ்வாதி கட்சியில் சேர்ந்தார். 2004 பொதுத் தேர்தலின்போது உத்திரப்பிரதேசத்தின் ராம்பூர் பாராளுமன்ற தொகுதியில் போட்டியிட்டு வெற்றியும் பெற்றார் என்பது குறிப்பிடத்தக்கது.

2010 ஆம் ஆண்டு அந்தக் கட்சியிலிருந்து வெளியேறி கடந்த 2019 ஆம் ஆண்டு மார்ச் 26 ஆம் தேதி பாஜகவில் இணைந்தார்.

இந்த நிலையில், இன்று தனது 58ஆவது பிறந்தநாளை கொண்டாடுகிறார். சினிமா பிரபலங்கள், அரசியல் தலைவர்கள், நண்பர்கள் என்று பலரும் அவருக்கு வாழ்த்து தெரிவித்து வருகின்றனர்.

அவர்களுடன் இணைந்து மிஸ்டர் புயல் இணையதளம் சார்பாக நாமும் வாழ்த்து தெரிவித்துக் கொள்வோம். பிறந்தநாள் வாழ்த்துகள் ஜெயபிரதா மேடம்…

A R Rahman; வேறுபாடுகளை மறந்து அனைவரும் ஒன்றிணையும் நேரமிது: ரஹ்மான்! கொரோனா வைரஸுக்கு எதிராக வேறுபாடுகளை மறந்து அனைவரும் ஒன்றிணையும் நேரமிது என்று இசையமைப்பாளர் ஏ.ஆர்.ரஹ்மான் டுவிட்டரில் பதிவிட்டுள்ளார்.

உலகத்தையே அச்சுறுத்தி வரும் கொரோனா வைரஸ் காரணமாக இந்தியாவில் 21 நாட்களுக்கு ஊரடங்கு உத்தரவு பிறப்பிக்கப்பட்டுள்ளது.

இதனால், அனைவருமே வீட்டிலேயே முடங்கியிருக்கும் சூழல் ஏற்பட்டுள்ளது. இந்த நிலையில், கொரோனா விழிப்புணர்வு குறித்து இசையமைப்பாளர் ஏ.ஆர்.ரஹ்மான் கருத்து தெரிவித்துள்ளார்.

இது குறித்து அவர் கூறியிருப்பதாவது: சுயநலமற்று தைரியமாக மருத்துவமனைகளில் பணியாற்றிக் கொண்டிருக்கும் மருத்துவர்கள், மருத்துவ ஊழியர்களுக்கு நன்றி. நம்மைக் காப்பாற்ற தங்களது உயிரையே பணயம் வைத்துள்ளனர்.

கொரோனாவுக்கு எதிராக வேறுபாடுகளை மறந்து அனைவரும் ஒன்றிணையும் நேரமிது. மனிதநேயம், ஆன்மீகம் ஆகியவற்றின் மகத்துவத்தை செயலில் காட்ட வேண்டிய நேரம். உறவினர்கள், முதியவர்கள் மற்றும் புலம்பெயர்ந்த தொழிலாளர்களுக்கு உதவ வேண்டும்.

கடவுள் நம் மனதில் இருக்கிறார். மதத்தின் அடிப்படையில் குழப்பத்தை ஏற்படுத்தும் நேரம் இது இல்லை. அரசின் அறிவுரைகளை கேட்டு மக்கள் அனைவரும் தனிமையில் இருக்க வேண்டும். வதந்திகளை பரப்பி மக்களிடையே அச்சத்தை உருவாக்கக் கூடாது என்று பதிவிட்டுள்ளார்.