Home சினிமா கோலிவுட் மாஸ்டர் அடுத்த அப்டேட் வந்துருச்சு!

மாஸ்டர் அடுத்த அப்டேட் வந்துருச்சு!

398
0
Master Premiere Show

Master USA Premiere Show; விஜய் நடிப்பில் உருவாகியுள்ள மாஸ்டர் படம் வரும் ஏப்ரல் 8 ஆம் தேதி அமெரிக்காவில் பிரிமியர் ஷோ வெளியாக இருப்பதாக அறிவிக்கப்பட்டுள்ளது.

மாஸ்டர் Master படத்தின் படப்பிடிப்பு முடிக்கப்பட்ட நிலையில், போஸ்ட் புரோடக்‌ஷன் பணிகள் விறுவிறுப்பாக நடந்து வருகிறது.

பிகில் படத்தின் வெற்றியைத் தொடர்ந்து விஜய் மாஸ்டர் படத்தில் நடித்துள்ளார். கைதி இயக்குநர் லோகேஷ் கனகராஜ் இந்தப் படத்தை இயக்கியுள்ளார்.

சேவியர் பிரிட்டோவின் எக்ஸ்பி கிரியேட்டர்ஸ் நிறுவனம் இந்தப் படத்தை தயாரித்துள்ளது. அனிருத் இந்தப் படத்திற்கு இசையமைத்துள்ளார்.

மாஸ்டர் ரிலீஸ் Master Release

வரும் ஏப்ரல் 9 ஆம் தேதி தமிழ் புத்தாண்டு தினத்தை முன்னிட்டு வெளியாகிறது. மாஸ்டர் குட்டி ஸ்டோரி லிரிக் வீடியோ வெளியாகி உலக முழுவதும் வைரலானது.

இந்த நிலையில், தற்போது மாஸ்டர் குறித்து முக்கியமான அறிவிப்பு வெளியாகியுள்ளது.

மாஸ்டர் பிரிமியர் ஷோ (Master Premiere Show)

அதன்படி, வரும் ஏப்ரல் 8 ஆம் தேதி அமெரிக்காவில் பிரிமியர் ஷோ (Master Premiere Show) வெளியாக இருப்பதாக அறிவிக்கப்பட்டுள்ளது. இது குறித்து திங்க் பிக் பிக்சரஸ் நிறுவனம் டுவிட்டரில் கூறியிருப்பதாவது:

ஹம்சினி எண்டர்டெயின்மெண்ட் நிறுவனத்துடன் இணைந்து மாஸ்டர் படத்தை அமெரிக்காவில் வரும் ஏப்ரல் 8 ஆம் தேதி வெளியிடுவதில் மகிழ்ச்சி என்று கூறியுள்ளது.

இந்திய திரைப்படங்களை உலகம் முழுவதும் வெளியிடும் உரிமையை பெற்றுள்ள திங்க் பிக் நிறுவனம் ஹம்சினி எண்டர்டெயின்மெண்ட் நிறுவனத்துடன் இணைந்து மாஸ்டர் படத்தை அமெரிக்காவில் வெளியிடுகிறது.

இதனால் படம் எப்படி இருக்கிறது என்ற தகவல் டுவிட்டரில் ஒரு நாள் முன்னதாக வந்துவிடும் என்று எதிர்பார்க்கப்படுகிறது.

இதையடுத்து, கோடிக்கணக்கான ரசிகர்கள் விஜய்யின் பேச்சைக் கேட்பதற்கு ஆவலுடன் காத்துக் கொண்டிருக்கின்றனர்.

ஆம், மாஸ்டர் இசை வெளியீட்டு விழாவில் விஜய் என்ன பேசுவார் என்பதை காண்பதற்கு ஆர்வமுடன் இருக்கின்றனர்.

நெய்வேலியில் நடந்த படப்பிடிப்பின் போது விஜய்யைப் பார்ப்பதற்கு லட்சக்கணக்கான ரசிகர்கள் வந்தனர். அது அந்தப் பகுதியில் மட்டுமே உள்ள ரசிகர்கள்.

அவர்களை பார்த்து விஜய் கையெடுத்து கும்பிடுவதும், செல்ஃபி எடுத்துக் கொள்வதும் என்று அவரது புகைப்படம், வீடியோ சமூக வலைதளங்களில் வைரலானது.

மாஸ்டர் இசை வெளியீடு (Master Audio Launch)

தற்போது மாஸ்டர் டிரைலர், மாஸ்டர் இரண்டாவது சிங்கிள் டிராக், மாஸ்டர் இசை வெளியீடு என்று மாஸ்டர் படத்தின் அடுத்தடுத்த அப்டேட்டுக்காக ரசிகர்கள் வெயிட்டிங்.

இது குறித்து விரைவில் அறிவிப்பு வரும் என்று எதிர்பார்க்கப்படுகிறது.

அண்மையில், ரசிகர்கள் யாரும் மாஸ்டர் இசை வெளியீட்டு விழாவிற்கு வர வேண்டாம் என்று விஜய் கேட்டுக்கொண்டதாக தகவல் வந்தது.

பிகில் படத்தின் போது ஏற்பட்ட பிரச்சனை காரணமாக இது போன்று விஜய் வேண்டுகோள் வைத்துள்ளதாக நம்பத்தகுந்த வட்டாரர்த்தில் இருந்து தகவல் வந்துள்ளது.

விஜய் படத்தைத் தொடர்ந்து இயக்குநர் லோகேஷ் கனகராஜ் ரஜினிகாந்த் நடிக்கும் தலைவர்169 என்ற படத்தை இயக்க இருக்கிறார்.

வரும் மார்ச் முதல் வாரத்தில் அதுவும் 5 ஆம் தேதி தலைவர்169 படத்தின் பூஜை நடக்க இருப்பதாக தகவல் வெளியானது.

ஆனால், இதுவரை தலைவர்169 படத்திற்கு பூஜை போடப்பட்டதாக தகவல் வரவில்லை.

இதே போன்று விஜய்யும் தனது 65 ஆவது படத்தில் சுதா கொங்கராவுடன் இணைந்துள்ளதாக கூறப்படுகிறது.

மாஸ்டர் படம் வெளியான பிறகு இப்படத்தின் படப்பிடிப்பு தொடங்கப்படும் என்று எதிர்பார்க்கப்படுகிறது.

SOURCER SIVAKUMAR
Previous articleஏசியா நெட் மற்றும் மீடியா ஒன் சேனல் தடை செய்யப்பட்டது
Next articleInternational Women’s Day 2020 Theme; சர்வதேச மகளிர் தினம் 2020ன் தீம் 

LEAVE A REPLY

Please enter your comment!
Please enter your name here