வில்சன் கொலை: பெங்களூர் பயங்கரவாதிகளுக்கும் தொடர்பு உள்ளதா? என்ற கோணத்தில் போலீசார் விசாரணையை முடுக்கி விட்டுள்ளனர்.

கன்னியாகுமரி மாவட்டம் களியக்காவிளை சோதனைச் சாவடியில் பணியில் இருந்த சிறப்பு சப்-இன்ஸ்பெக்டர் வில்சன் (57) நேற்று முன்தினம் இரவு 9.30 மணி அளவில் மர்ம நபர்களால் சுட்டுக்கொல்லப்பட்டார்.

வில்சனை கொலை செய்துவிட்டு தப்பி ஓடிய கொலைகாரர்களை போலீசார் தீவிரமாக தேடும் பணியில் ஈடுபட்டனர்.

கண்காணிப்பு கேமரா

இதனிடையே சம்பவம் நடந்த பகுதியில் இருந்த கண்காணிப்பு கேமராவில் கொலையாளிகள் இருவரும் தப்பியோடும் காட்சிகள் பதிவாகி இருந்தது.

குற்றவாளிகளின் புகைப்படத்தை போலீசார் வெளியிட்டுள்ள நிலையில் அவர்கள் பற்றிய சில திடுக்கிடும் தகவல்கள் வெளியாகி உள்ளன.

இருவரும் குமரி மாவட்டம் திருவிதாங்கோட்டையைச் சேர்ந்த அப்துல் சமீம். நாகர்கோவில் இளங்கடையைச் சேர்ந்த ரபீக் என்பதும் தெரியவந்தது.

கொலையாளி ரபீக் கைது

ரபீக் என்பவரை கேரள போலீசார் பூந்துறையில் வைத்து கைது செய்துள்ளனர். அப்துல் சமீம் இன்னும் போலீசாரிடம் சிக்கவில்லை.

தமிழக உளவுப்பிரிவு, மத்திய உளவுத்துறை உயர் அதிகாரிகளின் விசாரணையில், ரபீக் இடம் இருந்து அதிர்ச்சிகரமான விஷயங்கள் தெரியவந்துள்ளதாக கூறியுள்ளனர்.

குடியரசு தின விழாவினை சீர்குலைக்க திட்டம் தீட்டி பெங்களூருவில் கைது செய்யப்பட்ட பயங்கரவாதிகளுக்கும் இவர்களுக்கும் தொடர்பு உள்ளதாக கண்டறிந்துள்ளனர்.

மீதம் உள்ள ஒரு குற்றவாளி கேரளாவில் உள்ள பயங்கரவாதிகளிடம் தஞ்சம் அடைந்து இருக்கலாம் என சந்தேகித்து கேரள போலீசார் தேடுதலை தீவிரப்படுத்தி உள்ளனர்.

தேனியில் சாலைமறியல் செய்த தொழிற்சங்கத்தினர் 100க்கும் மேற்பட்டோரை போலீசார் கைது செய்துள்ளனர்.

அகில இந்திய வேலை நிறுத்தம்

இன்று இந்தியா முழுவதும் எதிர்க்கட்சிகள் சார்பாக வேலை நிறுத்தம் அறிவிக்கப்பட்டது. இதன் காரணமாக சென்னையில் ஆயிரக்காணக்கான போலீசார் குவிக்கப்பட்டனர்.

தேனி தொழிற்சங்கத்தினர் சாலை மறியல்

தேனி மாவட்டம் தேனி பழைய பேருந்து நிலையம் அருகில் கம்பம் – மதுரை, கம்பம் – திண்டுக்கல் நெடுஞ்சாலைகள் சந்திக்கும் இடத்தில் நேரு சிலை உள்ளது.

நூற்றுக்கும் மேற்பட்டோர் தேனி பூதிப்புரம் பஸ் நிலையத்தில் தொழிற்சங்கங்களின் கட்சிக் கொடிகளுடன் ஒன்று கூடி நேரு சிலையை நோக்கி ஊர்வலமாக வந்தனர்.

தடுத்து நிறுத்திய காவல்துறையினர்

பூதிப்புரம் பஸ் நிறுத்தத்திலிருந்து நேரு சிலையை நோக்கி கோசங்கள் எழுப்பியவாறு வந்த தொழிற்சங்க நிர்வாகிகளை காவல்துறையினர் தடுத்தி நிறுத்தினார்.

தர்ணாவில் ஈடுபட்ட நிர்வாகிகள்

போராட்டம் நடத்திய தொழிற்சங்க நிர்வாகிகளை காவல்துறையினர் தடுத்து நிறுத்தியவுடன், சாலையில் அமர்ந்து தர்ணா போராட்டத்தில் ஈடுபட்டனார்.

கோரிக்கைகள்:

தொழிலாளர் நலச்சட்டங்களை கார்ப்பரேட் முதலாளிகளுக்கு ஆதரவாக திருத்தி தொழிலாளர்களின் உரிமையை பாதுகாக்க வேண்டும்.

பிஎஸ்என்எல் நிறுவனத்திற்கு 4ஜி சேவை வழங்காமல் தனியார் நிறுவனத்திற்கு மத்திய அரசு துணைபோகக் கூடாது.

பொதுமக்கள் பெரிதும் பயன்பெறும் அரசு போக்குவரத்து துறையினை தனியாருக்கு வழங்கிடக் கூடாது. பிரதமர் சுரக்ஷா யோஜனா என்ற பெயரில் போலியான பென்சன் திட்டத்தை கைவிட வேண்டும்.

தொழிலாளர்கள் நலவாரிய சங்கத்தின் முதலீடுகளை பெருக்கித் தர வேண்டும். முதலீடு செய்ய வருபவர்களை அலைக்கழிக்க கூடாது.

முறைசாரா தொழிலாளர்கள் பென்சன் ஆயிரத்தில் இருந்து மூவாயிரமாக உயர்த்தி வழங்க வேண்டும். முறைசாரா நல வாரியமான எங்களுக்கு முழுமையான நிதியை ஒதுக்கீடு செய்யவேண்டும்.

வேலையின்மை, வேலை இழப்பு வருமான சரிவு விவசாயிகள் தற்கொலை போன்ற செயல்கள் நடைபெறுவதைத் தடுத்து, அதற்குண்டான வழிமுறைகளை கையாள வேண்டும்.

கட்டுமான தொழிலாளர் பாதிப்பு போன்றவற்றிலிருந்து மீட்டு எடுக்கவும் உட்பட பல கோரிக்கைகளை முன்வைத்து 100க்கும் மேற்பட்டோர் நேருசிலை முன்பு தர்ணா போராட்டத்தில் ஈடுபட்டு சாலை மறியல் செய்தனர்.

கைது நடவடிக்கை

தேனியில் சாலைமறியல் செய்தவர்களை காவல்துறையினர் கைது செய்து தனியார் மண்டபத்தில் அடைத்தனர்.

இந்த போராட்டத்தினால் சுமார் 1 மணி நேரம் போக்குவரத்து பாதிப்புக்குள்ளானது. இதனால் பொதுமக்கள் பெரும் அவதிக்குள்ளயினர்.

இந்தப் போராட்டத்தில் AIUTUC, AITU, CITU, LPF, INTUC ஆகிய தொழிற்சங்கங்களை சேர்ந்த நிர்வாகிகள், உறுப்பினர்கள் கலந்துகொண்டனர்.

தேனி E.புதுக்கோட்டை ராஜ் என்பவர் சில மாதங்களுக்கு முன் காதல் திருமணம் செய்து கொண்டார். இந்நிலையில் ஆள்நடமாட்டம் உள்ள கடைத்தெருவில் வைத்து தாக்கப்பட்டார்.

தாக்குதலின் பின்னணி என்ன?

தேனி மாவட்டம் பெரியகுளம் அருகே E.புதுக்கோட்டை ஊரைச் சேர்ந்த ராஜ் காதல் திருமணம் செய்து கொண்டதால் தாக்கப்பட்டார்.

வீடியோ செய்தியை பார்க்க யுட்யூப் சேனலை சப்ஸ்கிரைப் செய்து கொள்ளவும்.

காதல் திருமணம்

தேனி மாவட்டம் பெரியகுளம் அருகே உள்ள E.புதுக்கோட்டை கிராமத்தில் வசித்து வருபவர் 45 வயதுள்ள அய்யனார் மகன் சேகர்.

இவருடைய மகள் காயத்திரி (24 வயது) அதே ஊரைச் சேர்ந்த சிவராஜ் மகன் ராஜ் (24 வயது) என்பவரைக் காதலித்து வந்தார் .

பெற்றோர் அனுமதி இல்லை

காயத்திரி-ராஜ் காதல் ஜோடியின் திருமணம் 2019 ஆகஸ்ட் 15-ம் தேதி அன்று பெற்றோர்களுடைய சம்மதமில்லாமல் நடந்தது.

அன்று முதல் காயத்திரியின் பெற்றோர் மாப்பிள்ளை ராஜ் மீது விரோதத்தில் இருந்துள்ளனர். மகளுடன் முற்றிலும் பேச்சுவார்த்தையை நிறுத்திக் கொண்டனர்.

தாக்குதல் நடத்திய பெண் வீட்டார்

இந்நிலையில் இன்று ராஜ் தனது இருசக்கர வாகனத்தில் ஸ்டேட் பாங்க் காலனியில் உள்ள தனியார் மளிகைக் கடைக்கு மளிகைப் பொருட்கள் வாங்கச் சென்றுள்ளார்.

அப்போது ராஜ்-யை, அய்யனார் மகன் சேகர் (காயத்திரியின் தந்தை), சேகர் மகன் பிரகாஷ் (வயது 26), ராஜேஷ் (வயது 24) ஆகியோர் இருசக்கர வாகனத்தில் பின்தொடர்ந்து சென்றுள்ளனர்.

மூவரும் கடையில் நின்று இருந்த ராஜ்-யை அரிவாள் மற்றும் உருட்டுக்கட்டையை கொண்டு கடுமையாகத் தாக்கியுள்ளனர்.

இந்த எதிர்பாராத தாக்குதலைக் கண்டவுடன் ராஜ் பயங்கரமாக சத்தம் கொடுத்துள்ளார். இதனால் அருகில் இருந்தவர்கள் வருவதைக் கண்டவுடன் அங்கிருந்து மூவரும் தப்பி ஓடிவிட்டார்கள்.

போலீசார் விசாரணை

தாக்குதலில் காயம் பட்ட ராஜ்-யை 108 வாகனத்தின் மூலமாக அரசு தலைமை மருத்துவமனைக்கு சிகிச்சைக்காக அனுப்பி வைத்தனர்.

சம்பவம் பற்றி பெரியகுளம் காவல்துறை அங்கிருந்த சிசிடிவி கேமரா பதிவுகளை ஆய்வு செய்து குற்றவாளிகளைத் தேடி வருகின்றனர்.

பொதுமக்கள் அச்சம்

பெரியகுளம் பகுதியில் புதுவருடப்பிறப்பு அன்று கொலை நடந்ததையடுத்து ஆட்கள் அதிகமாக நடமாடும் பகுதியில் இச்சம்பவம் நடந்திருப்பதால் பொதுமக்களிடையே பெரும் அச்சத்தையும் பயத்தையும் உண்டாக்கி இருக்கிறது.